Eite pilna zonzia leh Midangte pilna kipattah zia

Eite pilna zonzia leh Midangte pilna kipattah zia

1. Eite in pilna izon leh alai paizia kihilhhilh, asang lamtunteh athu thei kizat theih tamlua lo Teaching Method tawh kimakaihna mun kitung.

2. Minam dangte kisin tawmtawm a, natuamtuam bawl khiat theihna ding in Learning Method zang uh a, atangtun masiah lungkia ngeilo in kipan tah uh hi.

3. Eite pilna in Theory lam hi a, Nitumna lampilna in Practical lam zui in, Nisuahna lam te in Techno tamzat in kipattah na nei uh hi.

4. Eite pilnazon kipattah pilna ciiimna in ‘pilna nei ding in mimuanhuai ding in sangnaupang hongkhan liat khit ciang Intolerant lamzuatsan kitam aa, a siapa zuihna lampi tawn in apai kitawm hi.

5. Minam dangte in laithei in hau ahih leh Practical & Techno tawh kipan tahpilna hi a, sangman ciang in nasep kipan theih pah in asangkah lai sang in atheihna kibeh lapsak semsem ahihi.

6. Theory theihna tawh athu hilh kisiam napi Practical te theihna bang in septheihna neitheilo a, tuaman in khuaknasep zia ding Techno athak bang mah omse ahihi.

7. Eite pilna pen hongpantah te Group Team Work asep theilo ding in hong kisinsin sak theory kithei kisin kha ahihi.

8. Minam dangte in ahih leh Kipawlkhawm aa, nasep theihna bekbek bul phuh uh a,Group Team Work lamvive in pai ahih nam in sang man khin peuhmah in khuasak nuntakzia ding minam tuamtuam ,paunam tuamtuam tawh semkhawm thei uh hi.

9. Eite pilna in eite pau kithei kamphenkul lo te khenkham in kimakaih na tampi ki omsak zel zul hi.

10. Minamdang te pilna kipattahna in kipawl khawm sak nasep na ahih man in atheih ngei nailo minamdang pautheinailo, khat na ngawn Action tawh lak in pantah a, Eite bangmah theilo theory pilna sinsin khate tate tuteteng in nasep nei lawh uh a, anekkhomkhom ding atha nuamte in ngah uh hi.

Tua ahih man in eite pilna zonzia leh midangte pilna kipattah zia te diktak teltheih khingkhai siam ciimna zatkul sinkul kitangsapna te theih behna hong musak semsem hi.

Ansai, Setyung tuamtuam, teh vanzuakna tuamtuam ah bangmah theilo eite tute tate nasep tawh theory pilna in innpan damtak in ngak bekna hang in Khangsawn Tuailai in apianna atheihna akhanna APU sang in ansepna na te PU ci ngaungau zaw thei hi.

Hau Thang