KL khuasung ah Double-decker Bus khat atungdawlteng kinawkkha

KL khuasung ah Double-decker Bus khat atungdawlteng kinawkkha

Malaysia, Kuala Lumpur khuasungah dawlnih apha Bus golpikhat lei nuai ah alutleh atungdawl teng nawtpaatkha cih NST pan kiza hi. Kuala Lumpur khuapisung Jalan Tun H.S. Lee lamzikpi tungah Saturday ni in thupiang ahihi.

Tua dawlnih apha Double-decker Express Bus pen Jalan Tun H.S. Lee panin Jalan Duta zuandingin apailaitak, nitaklam 6:10pm hunpawl in atuahsia ahihi.

Hihvai tawh kisai in thunei ahi City Traffic Enforcement and Investigation Department chief Assistant Commissioner Zulkefly Yahya in agenkhiatna ah buaina apianlaitak in Double-decker Express Bus sungah Passenger kuamah omlo cibilbel hi.

Bus Driver pa’n lei (Bridge) nuai ah anawk laitak in agin ngaihmahmah khat kaza cihi. Bus ii anunglam ah khatpeuh akinawkkha omhiding in ka ummawh cihi.

Bus tungpanin tuakkhia in a etciang in Double-decker Express Bus ii atungdawl teng aki nawtmaigawp amuh ciangin linglawng mahmah cihi.

Express Bus ii atungdawl Passenger te tutna “Passenger Seats” tezong kisiagawp in, amai Windscreen leh Windows tezong kitamzangawp hi.

Hihvai pen thunei te’n hoihtak kancian in, Bus Driver papen zulhtatna “reckless driving” tawh thu kibawlding cih kiza hi.

More: Singapore pan Malaysia azuan Bus khatleh Lorry kiphukha, mi 14 liam

Photo sungah Double-decker Express Bus ii atungnungdawl avekin kisiazancip hi. Double-decker Express ahawlhawl khatin a mawtaw bangtan sang cih atheihding hisam a, mawtaw hawlpa ii zulhtatna taktak cihtheih ahihi. Bus sungah Passenger kuamah omlo ahih manin, phadawmlai hi. Sawltak #zomidaily