Donald Trump in Catholic makaite laikhak ~ Zomi Quavadis

(Denver, Colo., Oct 6, 2016 / 12:01 pm. CNA/EWTN News).
Republican presidential candidate Donald Trump in Catholic makaipite tungah laikhak limci tak khat na khak a, “Kei pen no mau mah banga nuntakna a thupisak (pro-life) ka hi a, Biakna suahtaakna leh kipattahna sanginn te a panpih dingin kiciamna a nei khat ka hihi” ci hi.

“No Catholic te adingin Message hong puak ingh. No tawh ma ka pang khawm dinga, no dinna munah dingin no mau tawh kalsuan khawm in, no lamah kong om ding hi” ci hi. Hih pen October, 5 ni a laikhakna ah a gen ngiat ahihi. “Kei pen no mau mah bangin nuntaakna a thupisak zaw den Pro-life khat ka hi a, no mau tawh ih ngaihsutna leh ih kalsuanpih thute a kibang ahihi. Na Pawlpi uh hong nawngkaisak nuamte lak pan kong hung ding a, hong kilanghpan den ahi Pawlpi min tawh na makaih uh pilna sanginn leh University te, business owners te a kipan mimal leh Pawlpi kalsuanna ah suahtaakna taktak na ngah theihna ding un kong hanciampih ding hi. Tua pen na Rights uh ahihi” ci ngiat hi.

Hih Donald Trump laikhak pen The18th Annual Catholic Leadership Conference,(Oct 4-6) Denvar khuapi ah sim khiatna kinei hi.

Ama genna ah “Catholic thuzuite, phungzi, nungak siangtho leh tangval siangtho ten USA gam pen khangto sak in thahat sak a, gambup tangthu sungah mun lianpi a luahte a hi uh hi” ci hi. Hih thu pen makai dangte gen khiat nop ngei loh leh a ipsim tawntung uh thumaan ahihi. Ahizongin US Catholic ten Donald Trump pen a etcik mahmah laitak uh ahihi.

Hillary Clinton leuleu pen Donald Trump tawh a kilehbulh lian uh ahihi. Catholic te simmawh in a nasepna uh ahi pilna sinna sanginn College, University, damlo kepna Catholic hospitals, piteek puteek kepna, Fund zonna cihte a nawngkai sak nuam den leh a langhpan den khat ahihi. The Little Sisters of Poor te (nungak siangthote) tungah tatsia phadiak hi. Nauphiatna, nugil sunga nau lakkhiat cihte a panpih mahmah khat hi in, Pro-life het lo hi. Donald Trump in a laigelhna ah “Catholic Pawlpi ten suahta taka na a sep theihna ding uh lampite a khaktan den khat ahihi. Catholic te tungah Hostile mahmah hi” ci hi. Tua zong US Catholic tangthu sungah thumaan mah ahihi.

(Ka tom kaih hi.)
Zomi Quavadis