Democracy! Democracy!! Democracy!!! ~ Hau Za Cin

Democracy! Democracy!! Democracy!!! ~ Hau Za Cin

….. cihte hong ging ciaiciai ta hi. Mipi in nakpi takin bildawh dih ni. Mite in awtawp tawh awng in kiko uh hi. Ei zong e. I awng dia. I kiko dia. A awng ngam teng bek i, a sikcip zo teng bek, mite a ci giapgiap ngam teng bek kikona aw i ngai den diam? Mipi kikona aw i za diam. Mipi kikona aw i ngai diam?

• Democracy! Democracy!! Democracy!!!
• Democracy! Democracy!! Democracy!!!
• Democracy! Democracy!! Democracy!!!

Where is democracy. Can we come out of autocracy? Authoritarian rule? Dictatorial policy. Intimidation tactics. Mipi sikcip gawpna. Mipi nekcip gawpna. Mipi kamdim a nawk gawpna tawh lau sak, sikcip, pausak ngamlo. Amau dikna (rights) genkhia ngamlo, tuate khempeuh pan i suakta takpi ta hia? Are you living in free society, a free country, with a free choices; or are you being dictated? Did you ever taste what freedom is? Suakta takin na nungta ngei takpi hiam? Suahtakna na ciamkha ngei takpi hiam? Egypt ah va pai in i va ciam diam? I va nam diam? Bang gim a nam tam?

Zomi, are you free? Tedimmi, are you free? ….. are you? …tell me are you??

Mipi te in mi khat leh nih bek in sikcip den uh hi cih a theih uh ciangin Arab gam ah kikona aw kiza hi. Arab gam sung ah mipi kiko lo in omcip thei nawnlo hi. Mipi in khat leh nih thuneihna tawh sikcip ut nawnlo uh hi. Amau zong amau deihtelna tawh kikepna, kimakaihna deih uh hi. Mi khat khentatsa vive tawh kum 20, 30, 40, or more kalsuan sawt salua ta uh hi. A lal te lal lua, a thuneite thu neilua, a lian te lian lua, a neute kisikcip lua…. lua lua lua lua …. .vive ahih ciang mipi in thuakzo nawnlo hi. Are we ready like them? Ei zong i ki gingkhol khinta hiam? Ei zong mipi aw i za ta diam? Ahih kei leh a pai ngei bangin paipai lai ding maw?

Ahih kei leh ei pen mipi deihna hi khin, mipi deihna dang om nawnlo. Makai khat leh nih thu bek tawh i pai kingeina seh lua ta lel, Founder leh President kimakaihna tawh i kalsuan sawtta lel ahih ciang a laihna ding ngaihsun zo nailo, ngaihsun baan nailo, ngaihsut kul sa nailo. A ngaihsun thei ding khangthak democracy manphatna thei kitamzo nailo. Mipi nengcipcip theih lai lel.

Mipi leltak utna lamlamah kihei thei lai lel… i ci hiam? Ahih kei leh mipi thuneihna a thupitna a thei nailo i hiam, a thei tam nailo ihi zaw hiam, a thei tam mah leh Bu semte sat pai dingin kipawlkhawm nailo ihi hiam? Bu te thu tawh ukcip mah in omom lai ding i hiam? Bu te taw mah liakliak lai lel ding i hiam?

Mipi in thu theih cian mahmah kisam hi. Bu kisa pawlkhat kam dimdim a pau te bek ling khepkhep in “himah sia”, “hi lua siaji”, “okay siaji” mah cici lai ding ihi hiam? Mipi a pil mahmah kei leh a kamsiam khat, nih, leh thum khawng bek in mihonpi pen a ut bangbang in thu bawl in phengvaat gawp thei hi. Tua ahih manin mipi in thu theihcian mahmah ding kisam hi.

Mipi a kipattahna omlo gam leh minam sungah mipi a tamzaw hai den ahih manin a thunei khat, a thuthei khat, a kihangsan sak khat, a pau ngam khat, a sikcip ngam khat in tua mipi tampi pen baih tak, olno in sikcip, omcip lel hi. Tua pen minam sung, pawl sung, khua sung, gam sungah zong ahi hi. Tua bang dinmun ah ei bel i om nawn ding ka um kei a, mipi in a hoih pen hoih hi, a hoihlo pen hoihlo hi a cih ngamna minam leh gam hi dingin ka ummawh hi.

Tua i hih nai kei leh nakpi takin i hihtheihna ding i hanciam kisam hi. Tua ahih kei leh a ut leh a ngap khat in thunei den ding, a gen khat peuh hi peuh kisa khin den ding, a hihloh lam a theite lah nial ngamlo, dawng ngamlo, langpan ngamlo in om ding hi. Tua bang dinmun ah i om leh a vom VOM ci ngam ding, a kang KANG ci ngam dingin mipi lungsim i kiseek kul hi. Hau Za Cin