Dekte’ dinmun

Dekte’ dinmun

Tuni Pu Gin Kam Lian in kimu ni ci’n phone tawh hong hopih ahih man in ka kimu thei uh a, hunnuam khat ka zangkhawm thei uh hi. Ama’n hong genna ah:

“Tutung buaina pan thautawi ding lampi zuinuam a Dek te’ kiang atung peuhmah galkap training hoihtak pia ding, thau akisap uh leh pia ding, ahih hang phualsat theihna mun (base) pialo ding ci’n Dek te’n gelna nei uh” ci’n hong gen hi. Azakna source zong hong gen a muanhuai kasa lel hi.

Tua ban ah ama’n hong genbeh lai khat ah:

“Padoh Mahn Sha tawh ka kimuh lai in hong genna ah Manerplaw ka khahsuahna uh pen NCGUB te mun (base) kapiak man uh hi ong ci hi” cilai hi.

Padoh Mahn Sha ih cih pen K En Zu ah Secretary asep laitak 2008 kum February 14 ni in ki suamlum hi. Mithupi, mipil, azahtak huai leh a ithuai mahmah khat hi

Manerplaw ih cih leuleu pen K En Zu te’ phualpi hi a hunkhat lai in leitung ah aminthang zo mun khat ahi hi

NCGUB ih cih pen tu a En Zu Zi dan mah a 1990 kum a telcing MP te kipawl khawm a aphuat khiat uh kumpi khat mah ahi hi. k En Zu phualpi Manerplaw bulphuh ahih man un misok te’n nakpi tak in sim uh a 1995 kum January 27 ni in buluah zo uh hi. Ni 40 val sung vilvel deihtak asim uh ciang vua alazo uh ahi hi

Manerplaw alakzawh uh asawtlo tua kum July Ni 10 ni in Ong San Suh Ci khah uh hi. Manerplaw alakzawh uh pen Kawlte nuam mahmah uh a tua thu laibu tampi in gelhkhia uh hi. Tua hunlai in laibu khempeuh phial ah tua thu bekbek himai hi.

Kawlte akisiat sim un Dekte’ kiang galtai den uh ahih man in Dek te’n experience hau mahmah ta uh hi. Tua hang a K En Zu makaipa’ statement leh hih statement te hong suakkhia ahi hi. Mung Laan Thang (Tawmvei, Yangon)