Dahna le Phawkna (Mawtaw in hong phutkhaksak)

Gamsung gampua Vekpi,

Tuzingsangin ka lamet hetloh laitakun ka tupa (ka unu’ tapa nihna) in Mawtaw phuutkhakna tawh hong nusia vat cih ka zak ciangun lamdang sa in ka dah mahmah uh hi.

A min: Tg. Suan Muan Mang (Mangbawi)
A kum: 17 (1997-2014)
Hong nusiat ni: December 15, 2014
Sihna mun: Cikha (Mauvomzang veng)
A pa: Kham Khan Pau
A nu: Cing Ngaih Hau (Ka upinu uh)
A khua: Mauvom
A beh: Tawmbing
Pianpih sanggam a nungtalaite: Pa Khaipi (USA), Pa Khualpu (Malaysia) le Nau numeino 2 (Mauvom)

HONG NUSIAT DAN THU TOMNO:

Amah pen khangno khat ahih mah bangin Bangalore (India) ah sum thalawhin om-a, nung kalsawn ninga 9Friday) ni-in a nu le a pa le naute tawh kimuh ding kal ngaklah mahmahin khualamah Khuado le Lungdambawl mangkhawm dingin hong ciah ahi hi.
A nau numeino khat tan 4 kumpi laivuan dingin Cikha sanginnpi-ah a puakkawmin in hibang thu a tuak ahi hi. A ciahlam or kuanlamin Cikha khusungah leipuah ding-a, sehneel nawn Mawtaw (Truck) khat in a Motor Cycle tuanna pan na phukha-a, Mawtaw nunglam peii in a lu hual kha citciat ahih manin hong nusia suakpah dan ahi hi. A Mawtaw hawl i sanggampa zong khangno mahmah lai ci sawnsawn hi. Mawtaw bel phatna lohin hatsak vatvat zel uh hih tuak hi. Tulaitakin a luanghawm pen kumpi lamte’n Tonzang lamah puasuakphot uh ci hi. Bangbang ahi zongin Pasian geelkholsa ni a kheng thei lo hi hang, mi gam mi lei Bagalore ah hong nusiat sang i mun le i mualah hong puakkik Topa geelna mah ei adingin manpha vevezaw, ci-in ka kihehneem uh hi.

ZOGAM Le ZOMITE ading DEIHSAKNA KAMMAL:

Hih ko tuah thu tawh kizui-in i Zogam le Zomi te sungah kumsim December kha hunin Mawtaw Accident tawh a si kitam pian ta hi.
Zomite’n i neihsate i minam le gam khantohna dingin i kep i zatsiam ciat ding ka lunggulh mahmahna tawh hih a nuai-ah thu 3 kong gelhkhia hi.
(1) Mawtaw ahi zongin, Motor Cycle ahi zongin a hawlte a taangpi-in ka et ciangin khangno thei lua (lungsim manglang lua) ai tam cici ing. Gam khangto gampite-ah kumcing, lungsim picing piante mah Mawtaw hawltheihna Licence pia-in hawlsak pan uh hi.
(2) Zukhamsa pianin Mawtaw hawl pen i Zogamah ka neulai-a kipanin tam ka mu mahmah hi. Zogam sungah Zune thei Mawtawhawl min sazian la leng sehthumsuahsehnih(2/3) hipah lel dingin nidang bangin kei muhna le ciaptehna hi mawk hi. Tuhun ciang a khawkzaw phial diam thei nawn ke’ng.
(3) I gam khantoh lohna i ci diam, ei hanciamzawh lohna i ci diam Mawtaw lampite-ah a kuan le a ciatte totna ding, cih bang kikhen lo, a kuante totna a ciatte’n tawn ziahziah lai hi mawk i hih manin Mawtaw hawlte’n lungduai tak le ziat le vei, nung le mai en kawikawi kawmin i hawl ciat ding i kihanthawn hi. Mawtaw hawl cih pen sabet nading thau tawi tawh kibang khinkhian mawk hi. Sabengte’n sa a mat uh teh mipi, khuapih lungtai a, mi ong mat khak mawh uh teh i ankam taam lian mawkin dahna tawh hanla kisa thei mawk hi.

THUNGET CIALNA:

Hih bangin dahna a tuak ka ute nupa a ci uh zong dam mello denin khualam-a, a muan a suanpen uh ka tupa un hong nutsiat ciangin omdan khuasak puakhak sa mahmah ding uh ahih manin hehpihna tawh thungetna-ah hong na phawksak un.
Ka tupa, Mangbawi luanghawm zong ka khua mah vuah thusia lasia, khuahunsia omloin limtak lei sungah a kiphuum theih nadingin zong thungetna tawh hong na phawk ciat un.
Dahna kuampi’n hong nawk zel hang i Uppa i thei hi, ci-in kihehneem kawmin,

TL Mungbawi (Pu Mung: ka tupa hong sapna)
Atlanta, GA
USA
678-644-3962 Cell