COVID-19 leh Zomite ~ Pau Khat Suan

COVID-19 leh Zomite ~ Pau Khat Suan

US ah Social Distance cih thupi ngaihsut ta uh. Khat le khat kisukha lo, mitam kikhopna peel. Mun pawlkhat ah mi 10 tungsiah kikhopna nangawn pelh ding kigen ta.

• Biakinnte hawmta ding,
• Kitelna ading campaign nak sukkhak tak in ciai..
• Hunsia ading mite nakpi tak kiging
• Khuapi sung leh nasepna khempeuh daai mahmah ding hita
• Kisap mahmah loh buang kilei lo, kivak lo, Sum vialpai tawm
• Sum zon, sum muhna kiam hiaihiai ding hita..

Hmmm..

• Malaysia ah – partial Lock Down
• Italy ah – Total Lock Down
• Spain leh Europe buppi ah…
• Korea…. Japan…..
• Ong kipat khiatna Sengam bel gen vetloh..

Hmmm..

~ Singapore ah social distance a kigen ong sawtpian ta. Tun, ASEAN gamte leh gamdang pawlkhat pan a lut peuhmah ni 14 sung isolate masa phot ding ..Kal 2 hun mawkbei sak ding a kua ong zin nawn mawk ding?

~ Autralia, New Zealand cihte zong tuabang mah.. (Tampi om lai)

Hih natna gilo meizom in

~ Mimal kimuan’lohna bek hilo leh Gam lianpite nangawn khat le khat kimawhsak, kingawh, kikawk..

~ Tu mahmah in hih natna lungno thakhat bei pah ding hiphial leh zong, mipi’ lungmuanna a kilamkik nading bangtan hun la ding?

~ Social distance cih ngeina thak khat sawtpi ong kip, ong kizang thei ding dan hi.

~ Sum kizang lo, sum vialpai tawm.. Kialpi in hong nungzuih thei ding..

Khangluite’n “Kum khat kial in kum nga vat” ci hiven.

Hmmmm…. Zomite

~ Nih le thum omkhawm kha peuh leh biakna tau lui, thu ngenlo a bangmah semlo, thungen lo a a kikhen lo Zomite..

~ Kawlgam milim biate lak ah Zomi a kicih leh Christian ci a Pasian tawh a kimu khawm, Pasian’ Min thupi tawh a kilokhawm Zomite…

Zomite

• ~ Pasian in a Min nak thupi ngaihsut mahmah ahih lam phawk ni.
• ~ Hih hunsia sung ah “Pasian’ Min thupi” zahtak in thupi ngaihsut mahmah ni.
• ~ Pasian’ Min ading in, milak ah i gamtat luheek, mukpau kampau, ngaihsutna dong in kidawm ni.

Ama’ Min thupi a khual mahmah i Pasian in, Ama’ Min tawh kilokhawm, Ama’ Min abaang Zomite …. “Ama’ Min Thupi ading in”…. Israel minamte Egypt gimna nam 10 pan tuam kep a, Egypt khuamial pi laitak atuam a khua a vaksak bang in, Zomite a tuam vilvel in ong hum, ong kem, ong huai henla, Leitung lungzinna khuamial sung ah Zomite omna peuhmah atuam in khua ong vaksak ta hen!

COVID-19 Khuamialpi sung ah Pasian’ Min ading in Zomite – TOPA i PASIAN mahmah in ong cing ong kem ciat tahen!…. Amen. Pau Khat Suan