Covid-19 in banghong phawksak hiam?

Covid-19 in banghong phawksak hiam?

1. “Jesuh in Topa hi ci-in mi khempeuh in kam tawh mang ding uh hi…” (Filippian 2:10) na tawh bulhin phawk huai hi. B.C. leh A.D. in lei piancil pan a bei ni dong, thupiang khempeuh ciamtehna ahih mah bangin A.D. 2019 kum pana thupiang cihna, JESUH IN TOPA HI” ci-in hih natna hang tawh, a kitangko phapha suak gige hi. Biakna dangte’ pasian’ kumsimna zat ni tapa om ngiat lo, zong om ngei lo lai ding hi cih, phawkhuai hi!!!

2. Scientist-te pil kisa-in, khapi tungah July 20, 1969 panin a va tun zawh hangun, 1998 panin aksite’ lakah International Space Station (ISS) ah bu a va bawl zawh hangun (Obadiah 1:4) hih natna tungtangah ai-amh lel mawk uh hi cih, phawkhuai hi.

3. Covid-19 pen mihing’ bawltawm ahi a, Pasian’ piansak ahi zongin, kha 7 huam sungah, kicimangsak thei nai lo cih pen, a cimangsak theipa in vantung panin hong nuihsan hithiat lel ding hi cih, phawkhuai hi.

4. Huih lak pana kilawhthei hi lai leh ollo zaw kanlai ding hi cih, phawkhuai hi.

5. Lungno nam khat hang bekin, leitung hi zahin hong konlawh zo cih pen, Pasian in hun nunung-a a’ vanzat hi cih, phawkhuai hi.

6. Thu tuamtuam hangin biakinn tun ding lungsial, thadah, ngian zong paulap zong, a uaikai ngei ta dingin…tua bang tua bang ahi zongin, tua lai hunte mah a nopzaw hi cih, phawkhuai hi.

7. Media manphatna, thupitna a thei nai lo ta dingin Media om kei lai leh cih, phawk- huai hi.

8. Zangni suah sim, sialpi vaikuan banga gim ta leh, utthu-a, vaikuan lo ziau, cih lah ahithei lo, vaikuan a thadah a cimtak nuam pian ta dingin, tua bang hunte mah, hun hoihzaw a noppen hun na hi thong veh e cih, phawkhuai hi.

9. April 15 khit, USA ah hong kiam hethet ciangin, American mi minthang khat in, “Pasian’ tunga thungetna hang hi kei, social distancing hang hi,” a cih se lian khit teh, June 28, 2020 ni-in cases 40,000 dong kah kik cih pen, a kiamsak kikpa Pasian sinso thangpai hi takpi ngel hi cih, phawkhuai hi.

10. Kua biakna, bang gammi cih te’n loin, Covid-19 huhau-in mi khempeuh in “Pasian loin, Bangmah ahih theih lohna” phawkhuai semsem hi. Mi 1 zang ziau-in George Floyd hangin hong siasuak kik lel veh aw cih, phawkhuai hi!

11. Leitung bupah “Made in China” vanzat a tampenna gam, Korea bangah, Kimchi, nek theih nekmawh, lothaangsan dong, “Made in China” ahi gam pan Leitung bupah vanzat ding bawlsa, bawltawm dingte kikhak cip cih pen, deihna khat tung lam pan hong vaihawm hi cih, phawkhuai hi.

12. Hun khat lai, zatomang (Dr) te, Nurses-te, nasep hoih ci-in enhuai lua hi. Hih hun sia hong tun teh, “Nosocomephobia” kici, /Zato kihtat launa/ hangin zato nasemte khualna, utlohna khat hong piang pian ahih
ma’nin leitungah nasep hoih om loin, ih uuk khat ih sep theih ding, poimawh takmai ahi hi cih, phawkhuai hi.

More: Coronavirus na ngahphial zongin nasi keiding hi ~ Khawm Pau

13. A pilpen, a mawlpen, a haupen, a zawngpen, ulian uneu kuamah deidan loin, Sihna in mite baantaang kaih ziauziau lel mawk ahih ma’nin, Thuhilhsia 12:7na, Lei-a piang, Lei ah ciah kik” cih hong hilh phapha ahih lam, phawkhuai hi. “Ka kha in hong kawm pakpa Pasian kiang a zuan takpi mah cih, phawkhuai hi. A Hang Gina mahmah khat om takpi! Lungdam, Dr. Thomas Pau Gin Mang – Creation Family