Covid-19 dalna zatui tawh kisai a kidongmun zawdeuh dotna te (Part 1) ~ Cing Van Kim

Covid-19 dalna zatui tawh kisai a kidongmun zawdeuh dotna te (Part 1) ~ Cing Van Kim

1. COVID-19 dalna zatui cih theih nading bangteng kisam hiam?
COVID-19 dalna zatui a kisun mite lakpan a tawm pen 50% – 70% bang dalzo ding, kisut khitteh a nasia lua thuakna om lo ding cihte le hun saupi natna dal theihna pia zo ding cihte a neih kul hi.

2. Leitung bupah COVID-19 dalna zatui kibawl ngeingai hiven, tu-a hong kisun ding kidalna zatui e leh, a lungmuan huai mah ding hiam?

COVID-19 kidalna zatui a kibawl khiat zawh sawt nailo ahih manin a dang kidalna zatui te bangin leitung bup cidamna lam kipawlna (WHO) pan zatui hoih (qualify) hi cih kipsakna taktak om nailo hi. Ahi zongin a lauhuai loh nading le natna a dal theih nadingin a kisam ciaptehna (standard) tawh kizui-in kibawl a, zatui i natna dal theihna le a lauhuai lohna a kipan a dang a kisam tuamtuam te dalna zatui a sittel mite in sittel khin uh a, leitung ah zuak theih dingin phalna ngah ahih manin WHO pan donghu zattheih pak dingin phalna a piak kidalna zatui te bek kisun ding hi.

3. COVID-19 dalna zatui pen mi khempeuh kisut kul hiam?

COVID-19 kidalna zatui pen ei khensatna tungtawn in kisut ding ahi hi. Kidalna zatui kisun dingin na khentat leh natna dal theihna ding do zawhna na ngah nadingin a kisam zah vei a khit dong kisut ding ahi hi. Tua banah mask thuahna, khutsilna le khat le khat pi 6 kihalna cihte zuih suak veve ding kisam hi.

4. COVID-19 natna a thuak laitak te le nei ding upmawh huai mite in Covid-19 dalna zatui kisut ding a kisam hiam?

COVID-19 natna a thuak laitak te le nei ding upmawh huai mite in natna kilahzia te a bei zawh ni (14) a cing khit teh COVID-19 natna dalna zatui kisut huai pan hi.

5. COVID-19 natna pan a dam khinte in COVID-19 kidalna zatui a kisut kul mah hiam?

COVID-19 natna pan a dam khinte in a vei a cin dong mah kidalna zatui kisut kul veve hi. Tua hileh COVID-19 ngah kikna dalna ding le natna meizom a hoihlo thuakna te pan kidal zawh nading a kisam dozawhna kingah thei pan ding hi.

6. COVID-19 dalna zatui kisut khit phet-in COVID-19 natna dal zo pah hiam?

A huam pi-in COVID-19 dalna zatui a vei a cin dong kisut khit the pumpi panin natna dozawhna a a pusuah theih nading kal nih kiim bang sawt hi. Tu ahih manin zatui kisut khit leh zong natna ngah loh nadingin mask thuah ding, second (20) sung khutsil pahpah ding le khat le khat pi (6) kihal ding cihte zuih suak ding ahi hi.

7. COVID-19 dalna zatui a vei cin dong kisun khin leng mask thuah, khutsil cih te zuih veve a kul diam?

More: Nau neih (paai) theih nading (1) ~ Cing Van Kim

COVID-19 dalna zatui a vei cin dong kisut khit hangin COVID-19 kilawhna dal zawh mengmeng theih nading mi khempeuh in mask thuahna, khutsil pahpah na, mi khat le mi khat pi (6) kihal-a omna cihte hoihtakin zuih suak ding thupi mahmah hi. Translated by Lia Cing Van Kim