Colombia gamah mencim buannawng lakah mi tampi awkcip in asi mi 210 phakhin

Colombia gamah mencim buannawng lakah mi tampi awkcip in asi mi 210 phakhin

Colombia gamsung ah mencim in buannawng lakah awkcip in asi mi 210 bang phakhin cih AFP News pan kiza hi. Colombia, Mocoa khuasung ah Sunday ni in thupiang hi a, hih Mudslide ah a awkcip pen omlaiding in ki ummawh ahih manin Rescue Team te’n azonsan laitak uh kici hi.

Colombia President Juan Manuel Santos in agenkhiatna ah misi pen 210 bang phakhinta cihi. Aluanghawm akimukhin siluang 210 te lakah 170 pen amin apuam ki kancian theikhin a, adangte pen kithei nailo hi.

Tuciangciang mimang hongki zaksakbeh omnawnlophot ci a, Publice Health & Safety Emergency te amanlang in huhna apiading in kizasakkhin cih genkhia hi.

Electric mei leh dawnding tuisiang zong omlo ahih manin mipi te cimawh mahmah uhhi. Local Authorities te genna ah Electric Power pen ngahkikpak theihnading hamsading hi ci uhhi.

Khuasung ah dawnding tuisiang omlo ahih manin, mipi te’n vanzuakna Store sai te ah buluhgawp maita uhhi. Aomna innte uh siacip, buanin vukcip ahih manin mipi te lampi tungah omcip uhhi ci’n Mocoa resident Hernando Rodriguez in genkhia hi.

Hihbang tuahsiatna apianding pen ki zaksak kholhna omlo ahih manin, ki ginkholhna zong omlopah hi. Hihbang tuahsiatna Disaster omding kitheilo ahih manin bangcih gamtatding cihzong kitheilo in, mi tampi inzong tuahsiatlawh uhhi.

Also read: Brazil Football Team te tuanna vanleng kia, mi tampi si ~ ZD

Kum 38 aphakhin Marta Gomez kici nupi khat in Buannawng tawh kituamcippi mahin ka tunu kazongding ci’n kuankhia hi. Ahi zongin muzopak mahmahlo in buangnawng teng kato kawikawi cihi. Anunung ah naupang khuttawh akibang khat mukha ahih manin, akaihkhiat ciangin cikziak huailua mahmah cihi. ZD Sawltak #zomidaily