Cihtakna leh Lungsim ki uk zawhna ~ Pu Thomas Khanno

Cihtakna leh Lungsim ki uk zawhna ~ Pu Thomas Khanno

Motto:”Nu leh Pa zahtaakna in thupha naak hi”. (Eph 6:2-3) Ka sum zon theih aa kipan Pasian maipha pen RC Pawlpi mi khat ka hihna tawh kizui-in ka hihtheih zah Pasian maipha kazon theihna pen nikhat in khi 2500 ka khin aa,tua bang aa Pasian maipha kazon aa kipan Pasian in damdam in ka ma ong honsak toto hi.

Ka lawhcin kuanding in khamtung pan Yangon khuapi tu aa katen nading pen, tu aa daanlian a teng daan in ka mangsung ah ka man khol sitset hi.Tua kamang pen a piangnai lo thu a hihman in ka Nu ten na mang kuama khiang gen peuhmah ken,a piang nailo thu hi a cihzui in ih lawhcin ma ka Nu cihmah bangin kua ma khiang kagen ngeikei aa,tutan Pasian in thupha ongpiak teh a gen khiakhia pan ka hi hi.

RC pawlpi mi ka hihna tawh kizui-in ka paipai na ah RC Khikhin puaden ka hihman in kei pen Pasian nasem ong kisa,tu ciangdong thu ong kisit hun leh ong kimat cip hun cihbang ka tuak ngeikei pah hi.

Ih thuman na leh ih cih takna tungtawn in,midang te muanna kingah hi.Ka zinzin na leh ka paipai na ah cihtak na leh thuman na vom den ka hihman in midangte muanna ngah ka kisa pen zaw pah hi.

RC pawlpi mi khat ka hihna tawh ki zui-in,zu leh sa numei tawh buaileng ka mawhsut nading @topa te pen a mi ihtel vive a hihman in tat khialhna mawhsut ding ka utloh luatman in lungsim ki-ukzawh na ka thupi ngaihsut mahmah hi.

Ka zinna khempeuh ah khangual lawm leh gual nopsak na sangin,zingsang/nitak ka man hunsim in Pasian maipha kazong denzaw hi.Tua mahbang in tu ciang dong Zu cih limlim kadawn ngei naikei hi.

Ih hauhnop leh mihau sate tawh kitheih aa,va kihual ding thupi penpen hi.Ih pilnop leh eisang a pilzaw te thudong aa ih va kihual ding thupi penpen hi.Tua thusim in a lulu in a mau dinmun ki tung toto thei gige hi.

Ei sang a pilzaw,ei sang a hau masa zaw,ei sang thumu zawte thu dot theih dotmawh in kadong den hi.Sia Thang Lian Pau @siapau ong thu ngen ka nuntak pih leh ka ciap teh mahmah khat ahi, ” khatvei khial lehang ong kimuh khialh ong ki etkhialh na kum4bang a khengkhit teh a ngeina bangin ong kimu kikpan” cih ong genpen ka ciamteh toto den hi.

Ka sepnop lai tampi lakpan,pitek putek kepna pen kasep nop mahmah mahmah namkhat ahi hi.Tua ban ah semzo leng khangno/naupang a siat saan te Zu leh Sa tawh kidiah te mitam pi nasia takin kepnop na lungsim kanei hi.Bang hanghiam cihleh mipiat honkhat pen hausak ding pilsak zo ding cih ka lunggulh aa, ahi zong ei lungsim banglian in kasem zo nai kei aa,kasep nop namkhat mah ahi hi.Mipiat te pen mi haite hipeuh mahlo,hoihtak kipan tah leh a pil leh a hau taktak dingte na hizaw lai hi.

Behlap: Dotna te pen ih suaksak nawn kei aa, ih zakman dawngna tampi te ih ciapteh daan tungtawn in Zomi pih tampi in a noptuam pih nading lunggulh natawh ih khahkhiat ahi hi. Global Tuithang Innkuan Zoom (13 June 2021 – Sunday) Thudong: Pa T L Tung