China in gamdang galphual kibawlbeh loding hi ci

China in gamdang galphual kibawlbeh loding hi ci

Dec. 1, 2016: Chinate’ Defence Ministry spokesman Yang Yujun in zan in China in Africa continent sunga om Djibouti ah teembaw kingakna/phual “naval base” a kici khat a kineih banah China in gamdangah naval base bawl lai ding hi ngaihsutna/lungeelna (speculation) bei ta hen. China in gamdangah logistics supply facilities kici bawl beh sawm lai ci-in news-ah na zak uh bang lo a, tua bangin China in ngimna kinei lo hi ci-in gen hi.

Defence Ministry spokesman Yang Yujun in hih pen khasim in press conference a neih lai-in dotna a dawn kikna ahi hi. China in February kha-in galphual (military base) Djibouti gamah bawl na pan hi. Djibouti gam pen Suez Canal lutna dingin teembaw lampi poimawh mahmahna mun ahi hi.

China in Djibouti ah teembaw phual nei leh Somalia leh Aden Tuipi (Gulf of Aden) ah tuipi tunga suamhatte dona (countering piracy) nakpi takin phatuam ding hi.

More: Zosuan (Zomi suan) ihcih ciangin ~ J. Thang Lian Pau

China bek hilo-in France, U.S. leh Japan in zong Djibouti gamah naval base nei uh hi. Vice-Chairman of China’s Central Military Commission Fan Changlong in nung kha-in Chinate’ teembaw phual kibawlna va en a, hih phual a kibawlna pen China in leitung adingin a tavuan a sep theihna dingin a kibawl ahih manin kuamah a sa-ik (hiccups) om liang lo hi ci-in gen hi. Source: The Sun/The Hindu/ Thang Khan Lian