Sengam ah aminthang vangvang ahi uisa zuakpawi “Dog meat festival” pen tuni Wednesday ni in kipankik leuleu cih AFP in genkhia hi. Kumpi thunei Chinese Authorities te’n tukum uisa zuakpawi bawlsakloding cih kamdawn akigensawn kawikawi hangin, ki khakciplo in kumdang bangmah in kibawl veve hi.
Animal Right Groups te’n uisa zuakpawi akibawlpen diksalo uh a, khakcipnuam uhhi. China, Yulin City sungah tukum uisa zuakpawi pen kibawlloding cihzong thuthang kizaza khin hi.
Ahi zongin kumpi thunei tetawh thukimna bawl uh a, saikhat ah uisa luangnih tabek zuaktheiding cihtawh tukum akibawlsak kici hi.
Yulin City sungah uisazuak sasemsai te’n Wednesday ni in uisa semziahziah uh a, kumdang bangmah in aleiding kipai ziahziah cihi. Ahi zongin Animal Welfare Groups te’n tukum uisazuak pen kumdang sangin alei tawmzaw hi ci’n genkhia uhhi.
Uisa zuakpawi akibawlna Market geiteng ah Police te’nzong limtak in ngakcip uhhi.
Restaurant Owner khatin hihbangin uisa zuakpawi akibawl ciangin kikhawng mahmah a, sumbawlna Business pen azah 9 bangin sumlut khanghi ci’n genkhia hi. Ama ansai ah nikhatin ui luang 6 tabang kikhawngden ci’n akicing zihziah dingin kivaihawm hi ci’n genbeh hi.
Video: Dining on Dogs in Yulin: VICE Reports
Hihbangin uisa zuakpawi akibawl ciangin ui tultampipi kigo ngekngek hi. Ui pen akithah ciangin ahingtang in tuisa buaksuk in kisatlum sukleh asa limzaw cimai uh a, cikzialo takin ui gosuk ziauziau uhhi. Tuapen Animal Rights Group te’n ganhing bawlsiatna hi ci’n diksa hetlo in mawhsak mahmah uhhi.
Animal Rights Group te’n tuabang in lungphona aneih ciangin mipi te lunglut tektekzaw uh a, uisa pen kikhawng tektek hi ci’n uisa zuakte’n genkhia sawnsawn uhhi. Lungphona akineih ciangin mi tampi in uisa zuakpawi aomlam theihlawh uh a, lunglut semsem in uisa ane mizong tamsemsem cizawsop uhhi.
Humane Society International (HSI) te genkhiatna ah kumsim in Sengam sungah nekding in ui 10 million panin 20 million bang kigoden hi ci’n genkhia uhhi.
Related: China Zoo sung sahang te omna munah lano khat ahingtang in ki khiatsuk
Ataktak in uisa nekpen Sengam ah kiphallo “illegal” in akituak cihi. Ahi zongin uisa zuakpawi aneihsung in bangmah kimattheih omlo hi. Uisa duhte tulaitak Yulin City ah pawisimding in paihuai hi 🙂 Sawltak #zomidaily
Comment piaknop aomleh...