China ah Power Plant khat kicim, mi 67 si

China ah Power Plant khat kicim, mi 67 si

China ah aki lamsan laitak ahi Power Station khat Thursday ni (24 November) in kicim ahih manin mi 67 si cih AFP News pan kiza hi. Sengam pen Safety Record hoihlo in aki limgen mahmah kawlmal ah, khatvei atuahsia leuleu ahihi. Xinhua News Agency te genna ah hih acimpen Cooling Tower Platform hi a, zingsanglam in acim cihi.

State Broadcaster CCTV te genna ah hih tuahsiatna panin siluang aki mukhia pen 67 phakhin ci uh a, adang amangcip zong omtuaklai hi. Aliamzong mi 2 om cihi.

Hih tuahsiatna munpen Jiangxi Province sung aom Fengcheng ah hi a, Social Media tungah aki khahkhia Photo te etciangin limsiattuak mahmah hi.

Jiangxi Provincial Fire Department te genkhiatna ah hih tuahsiatna munah ahuhding in Fire Engines 32 kipaisak ci a, Military Personnel zong mi 212 bangin vadelh uhhi.

Hih Power Station pen abeisa July kha in akipan hi a, 2018 kumkipat lamin zawhsiangding in akigeel ahihi. Hih Construction pen US$1.1 Billion beiliang in alam uh hi a, tu’n ahihleh asiacip suakta hi.

Sengam ah Safety ginalolua mahmah ahih manin, Industrial Accidents tammahmah kici hi.

August khasung in Hubei Province ah Pipeline khat puakkham in mi 21 in sihlawh hi. Eastern China ahzong Chemical kehkhia ahih manin, mi 130 zato tunlawh hi.

April khasung inzong Jiangsu Province ah Chemicals leh Fuel kikepna khat puakkham in, nai 16 sung kuang ngekngek hi. Firefighters mi 400 bangin abuaipih khitciangin phelhzopan uhhi. ZD Sawltak #zomidaily