2014 Kawlgam Census aa zatding ZAM mintawh sum ong kikhaak (Thein 20) te zatna lahna

2014 Kawlgam Census aa zatding ZAM mintawh sum ong kikhaak (Thein 20) te zatna lahna

914-Zomi Census lai aa, ZAM te’n kei (Hang Khan Lian) tungtawn aa ong sumkhak Thein 20 zatna makaite tung kakhaak khit ahihhang mipi theih aa khaakding kilawmlai tuak sa kahihman in mipi tung kongkhaak khia hi. Tuamah bangin gampua pan aa sum kikhaak khempeuh inn lam pan aa zatnate zong khaak khia ciat lehang theihnop huai kasahi.

Banghanghiam cihleh, gentehna in ZIUSA in ong khaak khiat buppi Ks 130,000,000 bang ci uh aa, gam tuamtuam (ZIS ong hel nailoh uh) pan aa kikhaak buppi Thein 300 kiim ding bangin ummawh uh ahihman in, ei sum ngahna/zatna ciat theihsak huai mahmah kasahi.

Tuaban ah akhaakkhia Zomi Kipawlna tuamtuamte in zong sum tuazah tuapa, tua kipawlna tungtawn in, tuani tuakha in kikhaak cih mipi theisak pahpah lehang nidang ciang mipi in zong piak thanuam tuam, ong muangtuam leh sum ngah lam ki immcip theilo tuam dinghi. Tu’nbel i khaak takpi mahhiam cihhuai zah ahihi.

Tu aa ta i bat leh sum honkhat thelthang, ki-imcip leh kilawmhi. Minambup nasepna ding aa mipi ipsung kisawk pen khat leh nih in kuama’ theihpih kholloh aa zeek, a kikhaak lam zong gensiang taklo cihpen thudik hikhollo hi. Minam nasepna ah makai aa kipiakhia hi-ing a ci peuh aa ding in hih sum ngahna/zatna lahkhiat ding pen thu hamsa hihetlohi.

Gampua aa om khempeuh in na sum khaakna uh, na khaakpa uh ong taangko unla (i tangko ngam diam?), gamsung aa sum ngah, sumzeek peuh in zong na sum ngahna/zatna uh ong taangko un. Banghanghiam cihleh mipi ipsung kisawk ahihman ahihi. Hang Khan Lian

From: Hang Khan Lian <[email protected]>
Date: 2014-05-13 16:05 GMT+08:00
Subject: 2014 Kawlgam Census aa zatding ZAM mintawh sum ong kikhaak (Thein 20)te zatna lahna

ZAM Makaipi, Thuvanpi leh Malaysia aa om Zomi khempeuh,

Amasa pen in tukum Kawlgambup census, mi kisimna ah GZA in tang aa tuan aa Zomi aa kilote Zomi kicih ding lamlahna ong neihman in minam bup in lungdamna i ko nuamhi. Thu lengsuk lengto tuamtuam hangin i nammin nangawn a lo khia ngamlo inn lam aa omte van nading in ZAM makaihna tawh Malaysia aa om Zomite in Kawlgam sum in Thein 20 (Sang 20) panpihna nong khak man un minam bup kilungdam mahmah ahihlam kong pulak nuam leuleuhi.

Malaysia pan aa sum khak nading muanna tawh nong seh man un zong angtang mahmah kahihna mimal lungdamna zong kong pulak nuamhi. Sum Thein 20 pen khaak nih suah aa nong khaak uh ahihman in sum zatna ah zong khennih kisuah in kong pulak dinghi.

Khaak masak, Thein 10 (Chin Taungtan Bus Gate tungtawn in)

Hih nong khak uh kangah laitak in GZA Zomi Census Committee om nailo ahihman in GZA pan Makai ong om thei Sia Mung (Rev Dr. Do Suan Mung) leh Sia Zambawi (Rev. Dr. Go Cin Zam) tawh kikum in zat nading aa kilawm teng piakkhiat khit ciang sum tang omlai teng Sia Zambawi (GZA-AGS) tung ka aphi.

Piakkhiatna

• Singapore pan aa ong pai Dr. Hau Za Cin ii Kawlgam sung vanleng sap
• Ygn – Kale – Ygn US$ 310 x Ks.900 (sum khekna) = Ks. 279000/00
• (Hihpen Sia Zambawi in apiakholhsak hi aa Sia Zambawi in la pahhi)
• Tdm – Kale mawtaw sap = Ks. 80000/00
• Vinyl leh Sticker bawlna aa sum kisamlai(ZYA-Kawlpi)= Ks. 60000/00
• Sia Enno, Sia Mung leh U Khin Yee thugenna disc 200= Ks.100000/00
• (Mipi tung aa hawmkhiat ding aa kibawl ahihi)

Sum piakkhiat gawm…….. = Ks.519000.00 (Hihteng pen kei khuttung pan aa piakkhiat ahihi) Sum omlai = Ks. 481000.00 (Sia Zambawi, GZA Associate Secretary tung ap in ama’n GZA Zomi Census Committee tung na apsawn dinghi)

Khaak nihna, Thein 10 (Chin Taungtan Car Gate mah pan)

• Khua 59 pan aa hausa upate annekpihna(Khauhsuai thoh150xKs1500)=Ks. 225,000.00
• Suangzang-Heilei-Suangphei-Pakzang paina mawtaw sap…………………= Ks. 120,000.00
• Muizawl paina mawtaw sap………………………………………………………………..= Ks. 60,000.00
• Tungzang paina mawtaw sap……………………………………………………………..=Ks. 70,000.00 (Ks.10000 for cancellation)
• Gamngai paina mawtaw sap……………………………………………………………..= Ks. 60,000.00
• Khualzinna mawtaw sapna kigawm……………………………………………………= Ks. 310,000.00
• Sun-an
• Suangzang…..Ks. 13,000.00
• Muizawl………..Ks. 15,000.00
• Gamngai………Ks. 15,000.00
• Kigawm= Ks.43,000.00

Sticker thak bawlna (Tdm ah, Tedim Committe tetung piapah)……Ks. 120,000.00 Khaaknihna beina vekpi kigawm Ks. (225,000 + 310,000 + 43,000 + 120,000) = Ks. 698000.00 (Hih teng pen kei khuttung pan aa ka piakkhiat pah ahihi)

Sum om lai Ks. 302000.00 teng GZA Zomi Census Tedim Committee Rev Thang Van Lian tung ap in ama’n Dr. Cing Pum Neam (Tedim sumkeemnu) tung ah apsawn dinghi.

Lungdam koh ding tampi omhi.

• Mawtaw pen Pa Nangno (Pu Kim Khai tapa) aa kizang hi aa mi dangte laakzah ong lakloh ban ah amahmah ong makai, ong hawlpah ahihi.
• GZA Census Tedim Committee pan Rev. Thang Van Lian in hunbit ong makaih ahihman in kipanglum tuam mahmahhi.
• GZA Census Tedim Committee pan Pa Hang Khan Khai in pai nading khua hausa teng ong van kholhsak masa ahihman in vai ong lemtuam peuhmah suakhi.
• Tedim Zozuun Khangnote in amau aituam mawhpuak zah GZA Census Tedim Committee tawh khut kilen in sem uh ahihman in etteh taak kasahi.
• Atung aa lungdam kakoh pak teng pen kei kihel khaakna aa ong panpih teng hi aa kei kihel khaaklohna ah Committee dangte in zong amau ii munciat ah semding in ka lam enhi.

Adiakdiak ZAM makaite tung lungdam kong koh nopna in, na sum na paaite uh Singapore pan komau veina leltawh apaite tung nong totsak uhciang i gam i lei ah maitang ong neisak nahi uhhi. No ong sumkhak om kei leh, ko kiphatmawh banglo ong kiphawkkha pha mello hi aa no sumteng nong totsak uhciang bel ong kingaihbawl mahmahhi. (Kei bang na kineisak peuhmah ing)

Mailam kum tampi sung i omom napan minam ading, hih minam a piangsak Pasian aa ding a piakhia zo, a sem zo, tha a pia zo den ding ong siam tahen. Noteng tawh mapan khop nuam a saden, Hang Khan Lian (Block 646#13-115, Jalan Tenaga, Singapore 410646)