India ah Passenger Bus khat tuisung ah kia in, mi 36 in sihlawh

India ah Passenger Bus khat tuisung ah kia in, mi 36 in sihlawh

India gamsung West Bengal State sungah Passenger pua Bus khat luisungah kiasuk in, mi 36 in sihlawh uh cih AFP pan kiza hi. Tua Passenger Bus sungah akigawm in mi 55 atuangkhawm uh hi a, Monday zingsanglam in atuahsia ahihi.

Berhampore District, Daulatabad aom leikidawh tungah apailaitak in apang aki umna Railing te phukhia in, tuisung ah akiasuak ahihi.

Rescue Team te’n nitaklam 7pm hundongin tuisung ah akiate zongthapai uh a, akigawm in luang 36 mukhia uhhi. Bus zong tuisung panin akaihkhiat nadingin Crane 4 tak kizangin ki domkhiasak hi.

District magistrate P Ulaganathan inzong hih Bus tuahsiatna hangin asi pen akigawm in mi 36 hi ci’n pulakna neikhia hi.

Hih Passenger Bus pen “North Bengal State Transport Corporation” te neihsa hi a, Domkal khua panin Murshidabad khua zuanin apai laitak ahihi.

Pawlkhat te’n agenna ah hih Bus ii tuahsiatna pen adang amai ah apai mawtawkhat amakhelh sawmna panin lei aki umna te phukhiakha in tuisung ah akiasuk ci uhhi.

Hih tuahsiatna apiankhit ciangin ahuhding in Rescue Operation te ziakailua ahih manin Local te leh Police tezong buaina omman cisawnsawn hi. Khuasung mipi te hehlua mahmah uh a, Police mawtaw khat meitawh halsak in, adang khatzong suksiat sakgawp uhhi.

Tuaban ah Fire Brigade tezong suangtawh denggawp uhhi. Mipi abuai ngeingai ciangin Police te’n Teagas Shell te lawnkhia in, mipi aki khenthangding in hanciam uh a, Disaster Response Forces tezong sapbeh uhhi.

Chief minister Mamata Banerjee inzong hih tuahsiatna phual ah nasepzia, Rescue Operations te a encikding in Helicopter tawh vadelhpah hi. Tuaban ah misi leh aliam te akikep, akibawlna ahi Murshidabad Medical College and Hospital ahzong vapha in, thunei tetawh kimukhawm uhhi.

Tuabang in atuahsia asi te ii innkuanpih te khatciangin India sum teng 5 (Rs 5 lakh) piakding, aliamgawp te khatciangin Rs 1 lakh piakdingleh aliam limlimte Rs 50,000 piakdingzong Kolkata ah genkhiakhin cihi.

More: A tapa mopawi simding in apai papi khat Bus tuahsia in si

Hih Passenger Bus akiatsukna tuipen thuk mahmah in, mawtaw zong akiatkhit ciangin avekin tumsukpah hi. Tuahang in Rescue Team te ii nasepna zong nawngkai leh hamsatuam mahmah cih kiza hi. Sawltak #zomidaily