Broccoli ankamlum te’n Cancer natna dalthei

Broccoli ankamlum te’n Cancer natna dalthei

Scientists mipil misiamte’n ankamlum namkhat ahi Broccoli leh Cauliflower te’n Cancer natna daltheihi cih mukhia uhhi. Hih ankamlum te’n pumpi ading akisam Cells dangte acidamsak kawmin, aki samlo natnatawh akidim Cells te hong suksiatsak cihi.

Hihpen Oregon State University pan Researchers te’n amuhkhiat uh hi a, “Cruciferous Vegetables” akici ankamlum namte ahi adiakdiakin Mustard Greens, Cabbages tuamtuam, Broccoli, Cauliflower, Brussels Sprouts cihte’n pumpi adingin anahoih khinkhian mahmah, Cancer lungnote hongna dalsak gige ahihi.

Hih ankamlum te sungah akihel ahi “Sulforaphane” in Cancer natna tawh kihua mahmah ahih manin, Cancer natna hongna lehdosaksak hihtuak hi. Adiakdiak in pasal natna ihcidiam ciltang natnanei Prostate Patients te ading bangin hoihsem cihi.

Hih Scientists leh Researchers te’n amuhkhiat uh Study pen “Molecular Nutrition and Food Research” kici laibu sungah ki Publish khin a, Oregon State Univeristy pan June 09, 2011 ni in mipi tungah aki hawmkhiakhin ahihi.

Researchers te’n ankamlum sungah akihel Sulforaphane pen Prostate Cancer leh Breast Cancer te dalthei nadingin Clinic te ah sinsinsak uh ahihi.

University of Michigan paninzong Sulforaphane ii kizattheihna kantel uh a, ganhingte tungah Cancer Stem Cell te a thahtheih banah Cancer vumbok Tumor tezong akhan semsem lohnading in dalsakthei cih mukhia uhhi. Hih Study pen Breast Cancer Stem Cell tawh kisai limtakin Focus zaw uh a, a thukan khiatteng uhzong “Clinical Cancer Research” ah suaksak uhhi.

2007 kuminzong University of Illinois te’n pasal te ciltang natna ahi Prostate Cancer daltheih nading Study nabawl uh a, Broccoli ankamlum leh mehthuk (Tomato) te hoihmahmah ci uhhi. Hih Broccoli leh Tomato tepen atuamtuak in ih neksangin, nekhawmleng atha hat in Cancer natna daltheih nadingin hoihzaw semsem cilai hi. Mehthuk banah Mustard, Horseradish ahih keileh Wasabi cihtetawh helkhawm nekhawm lengzong hoihmahmah cihi.

University of Illinois te Study bawlna ah pasal te’n Raw Broccoli 139 g, Fresh Tomatoes 248 g ahih keileh Tomato Sauce 237 g cihbang nekzelzelding hoihhi ci uhhi.

Tuabang ahih mawkleh anteh mehteh adang tuamtuam ihnek veve sangin Broccoli ankamlum leh Mehthuk neklam hanciamding hipah lodiam? ZD Sawltak #zomidaily 2011-10-24