Bollywood Superstar Khan thong kum 5 kiading

Bollywood Superstar Khan thong kum 5 kiading

Bollywood Superstar Salman Khan pen 2002 kumin mikhat mawtaw tawh ataihkhitciang taisan cih thutawh thong kum 5 kiading cih AFP News pan kiza hi.

2002 kumsung in zan zukhamsa in aciahna ah innneilo lampidung ah agiak mizang micimawh te lupna mawtaw tawh nawkphei a, khat taihlumkha ahih manin kumpi thuneite’n dan apia uh ahihi. Thukhenmangpipa Judege D. W. Deshpande in Bollywood Superstar Salman Khan pen Mumbai khuasung aom inn neilo mizawngte athat hi ci’n mi minthang khat ahihna khuallo in athu ombang in thu khensuk giaplel hi.

Hih Bollywood Superstar Salman Khan thusitna vai pen India gamsung aom mite te in ki lunglut mahmah bekthamlo, gampualam aom Bollywood a enzelte inzong theinuam mahmah uhhi.

Kum 49 aphakhin ahi Bollywood Superstar Salman Khan pen athuakding dan akisimkhiat ciangin atutna tungah tolhsuk a, vul ningniang hi cihi.

Land Cruiser mawtaw hoihmahmah khattawh zukhamsa in zankim in Mumbai khuasung mizawng te lupna ah anawkkha hi a, mikhat ataihlup bekthamlo, adangzong aliam tampi om cihi.

Mi minthang, sumnei mihau cih deidan neituanlo in ahibang in thu akhenngam giapgiap sitni tepen zahtak huai mahmah a, hibang mikician te tampi neileng ihgam akhangto theipanding ahihi. ZD Sawltak