Birthday (I up i muan ngamzah i ngah ding hi)

Birthday (I up i muan ngamzah i ngah ding hi)

Nikhat Company nei (owner) pa in a Manager pa sam in ‘tu ni pen ka lungdam suahni a hihmanin nasem te a deihpeuhpeuh uh khattek va lei sak in’ ci in sawl hi.

Manager pa in zong nasem mi thum sam in vanleina (supermarket) lianpi ah khat khit khat in lutpih hi. A masa nasem pa kiangah ‘bangdeih na hiam birthday present ding’ a cih ciangin tua mipa in ‘sia aw, birthday present ding tawh a kilawm penpen dingin in nai hoih mahmah khat deih ingh’ ci in ngen aa $20 tawh leisak in ciahsak hi.

A nih na pa dong leuleu aa a nihna pa in zong ‘sia aw, computer khat ka deih zawhsawt ta hi, tu ni pen boss pa suah ni hi buang ahihmanin computer ka deih hi’ ci hi. Manager pa in nasem pa deih computer leisak aa $2,000 man hi.

A nihna pa a ciahkhit ciang in a thumna pa samin dong leuleu hi. A thumna pa in ‘sia aw, ih boss pa pen mihau mahmah khat a hihi. lh nasep zawhzong kum 20 bang hi ta aa tuni birthday a bawl cil ni a hihi. Tu ni pen nalianpi kangen ding hi ci in mawtaw hoih mahmah khat ngen hi. Manager pa in lei sak aa $200,000 man hi.

Inn a tun uh ciangin a venlei te uh a et leh company boss pa in lamdang sa lua aa ‘manager pa aw, banghang in a kikim leisak buanglo na hi hiam? A koi ci bang a hi hiam? a cih leh Manager pa in ‘a mau deih hong nget bangbang a ki lei a hihi, a mau lungkimna tek a hihi’ ci in dawngkik hi.

Na up ngam zah Pasian kiang ah ngen in. Pasian in tam salua lo hi. Hong pia zo mahmah lel hi. I up i muan ngam zah i ngah ding hi. Siamsin Library