Berlin khuapi a Christma Market Lorry zanga migawilum sakpa kithatta
Dec. 23, 2016: Pizing ni (Monday) in Germany gamte khuapi Berlin a Christmas market suamna dingin Poland gammi lorry (van puakna mawtaw lian) hawl lai that in, a lorry laksak laksak in, tua lorry tawh Berlin Christmas market suam in mi 11 a phulumsakpa Anis Amri kici Italiy gam-a Milan khuapi nawlah kithat ta hi ci-in Italy ulian ten pulak uh hi.
Italian Interior minister Marco Minniti in Rome ah news conference a neihna ah Amri pen Milan khuanawl Sesto San Giovanni ah police ten a car hawl 3am (02:00 GMT) kiim in routine identity check dingin khawlsak uh a, police ten a ID lak dingin a sawl uh leh Amri in a thau la khia ahih manin police ten kap uh hi ci hi. Marco Minniti in Amri pen kum 24 mi hi a, Tunisia gammi hi ci hi. Amri in a thau kap man a, kikaptuahna hangin police khatin zong liamna tuak hi ci-in gen beh hi.
Berlin Christmas market kisuamna hangin Europe sung khempeuh ah Amri nasia takin kizong a, hih mun a kisuam khit lianin zong Pakistan gamgi asylum ngak khat ki-ummawh in kiman hi.
Hih Christmas market kisuamna ah lorry in mi 11 a phuklup banah a lorry in biakinn kianga om Christmas gifts leh snacks zuakna sing a kibawl bukno (hut) khat zong phusia hi. IS ten ko gamtatna hi ci-in pulak uh a, Amri sihna tu zong tu ni-in, “Berlin Chrismas market suampa kikaptuahna ah si hi,” ci-in Amaq website panin tangko ta uh hi.
Germany North Rhine-Westphalia (NRW) state Ralf Jaeger in counterterrorism ulian ten November kha-in Amri in ngongtatna tawh Germany suam sawm hi cih thu kiza hi ci hi. Berlin prosecutors ten Amri in Germany a suamna dingin a automatic galvan a leina dingin inn buluh dingin ki-ummawh hi ci uh hi.
More: Australia, Melbourne ah Christmas ciang Bomb asukkhapsawm mi 7 kiman
Italy police ten Amri a thahna hangun German Foreign ministry spokesman Martin Schaefer in Italy ulian ten hong kithuahpih hi ci-in lungdam thu ko hi. Source: Al Jazeera and news agencies/ Thang Khan Lian
Comment piaknop aomleh...