Belgium gamsung ah Gas puakkham in inn kicim, mi tampi liam

Belgium gamsung ah Gas puakkham in inn kicim, mi tampi liam

Belgium gamsung aom Port City khat ahi Antwerp khuasung ah Gas puakkham in, inn kicimsuk a, atawmpen mi 20 peuhmah liamding cih AFP leh Daily Mail pan kiza hi. Tua aliamte lakah mi 2 pen nakliam phadiak uhhi ci’n Belgium Police leh Media te’nzong pulakkhia uhhi.

Belgium Police te genkhiatna ah hih Gas Explosion aom ciangin Emergency Services hongki zasak cihi. Gas apuakkhap ciangin inn kicimsuk a, tua inn kicim nenthem kawmlak ah khuaphawklo in mi 3 bang na om cihi.

Hih Gas puakkhapna munpen mi teenna “residential building” khat hi a, inndawl 4 “four-storey” aphakhat ii amailam akisiacip Photo zong ki khahkhia in mulkimhuai mahmah hi.

Firefighter honkhat in delhpah uh a, Crane agolpi te zangin asungah a awkcip te ki honkhia hi.

Belgium Police te’n hih apuakkham pen migilo te ngongtatna Terrorism tawh kisaina omlo hi, hihpen Gas Explosion hi ci’n mipi te theihding in genkhia uhhi. Belgium pen abeisa inzong migilo te’n ngongtatna neithei zelzel ahih manin, hihbangin apuakkham aomciang in mipi te lunghimawh mahmah uhhi.

Video: Rescuers dramatically pull survivor from wreckage as residential building in Antwerp collapses after huge ‘gas explosion’ leaving up to 20 injured

Hih Gas puakkkhapna hangin, apuakkhapna munbek thamlo, agei aom Building innpi nihte zong kisiatna om cihi.

VTM Nieuws te pulakna ah tua innkicim nenthem kawmlak panin a awkcip pawlkhat omlai a, hong huh un ci’n a awng vangvang pawlkhat kizalai cihi. Firefighter te’nzong tua nenthem kawmlak ah a awkcipte hotkhiattheih nadingin hanciam mahmah uh cih Belgian Media te’n genkhia hi.

More: Malaysia Subang Gas puakkham lakah ah Myanmar 6 kihel, mi 2 sikhin

Brett Buelens in agenna ah tua inn kicim pen sangnaupang khat ii omna, ama neihsa hiding hi ci’n genkhia cih kiza hi. Sawltak #zomidaily