Bawngtal thahsiam Matador khat bawngin atuap pikkhapsak in si
Spain gammi bawltal tawh kibuanin aminthang mahmah Spanish Bullfighter Ivan Fandino pen Piancit gamah bawltawh akibuan alitak in pikngawhkha in si cih AFP te’n genkhia hi.
Southwestern France ah akibawl bawngtal thahpawl “Bullring” khatah bawngin aki tawh pikkha in, a awmsung ah aki thukpi lutsuk in atuap “Lung” piktam ciliang hi. Zato ah amanlang in kipuakpah himahleh zanni Saturday ni in sita hi ci’n Medical Service te’n genkhia uhhi.
Hihbangdan in bawngtal tawh akimawl tepen “bawngtal thatdingpa” Matador kici hi. France gamsung Aire-sur-l’Adour bullfighting Festival pawipi ah asipa Ivan Fandino leh adang lawmte Matadors Juan Del Alamo leh Thomas Dufau tezong aki mawlkhawm uh ahihi.
Photo aki khahkhia pawlkhatah Ivan Fandino pen bawngtal in aki tawh apikkhak khitciang in si luangkhia ziahzaih in, tuacinag in alawmte’n tuahkhia uhhi.
Bawngtal tawh kibuanpen Spain te ii ngeina in azat uh kimawl minthang mahmah khatleh alauhuai mahmahkhat ahihi. Matador tepen aliam aomzelzel hangin asi taktakpen tamlua samlo hi.
Video: Spanish matador dies after being gored during bullfight in France , Ivan Fandino , RIP
Nungkum July 2016 inzong kum 29 aphakhin Spanish matador Victor Barrio pen bawngtal tawh kimawl in Television ah Live in aki khahlaitak bawngtal in a awmpan in piklumziau mawk hi. Tua madiak khakhat akisap hunlai inzong kum 64 aphakhin Mexican Bullfighter El Pana akicipa bawngtal in a awm pikkha in, zato atunciang asawtlo in sipah hi.
Bawngtal thahpawi pen Spain gamsung ah akumlui ngeina “Centuries-old tradition” khatin akituat hi a, abeisa in kumkhatsung bekbek in bawngtal thahpawi 1800 veibang kibawl cizen hi.
More: Ataw pan bawngtal ki letmat 11 thukin pikkha himahleh lungkianai tuanlo
Ahi zongin tulamlam ciangin hihbangin bawngtal thahpawi, ganhing gawtbawlna cihte pen Animal Rights te’n cikziat huai salua uh ahih manin, Spain Authorities te’nzong khamcip mahmahta uhhi. Sawltak #zomidaily
Comment piaknop aomleh...