Thailand, Bangkok khuapisung aom mihau te bekin aleizawh atamman mahmah Luxury Housing Estate te ii dailenbuk “Toilet” sung khatah kalkhat sungin gulpi nihveitak kimu cimawk hi.
Innnei, innteeknu pen kum 42 aphakhin Panarat Chaiyaboon kici minnei khat ahihi. Amahpen Food Company Executive khat hi a, nungkal Monday ni in dailenbuk azat laitak gul golpikhat dailenbuk sungpanin pusuak in ataw tuksak cih The Nation News pan kiza hi.
Panarat Chaiyaboon pen abeisa Monday ni in innnuai Downstairs Toilet ah dailengding in paisuk cihi. Dailenbuk tutna Toilet Bowl tungah atut laitak in ataw khuaideh bangdan in nasa ahih manin adingkhiatleh dailenbuk sungah gulpi khat naom cimawk hi.
Toilet Bowl ii tuikivung sungah gulkhat alu dawkto, alamto amuh ciangin laulau mahmah hi.
Tuaciang in dailenbuk atutna Toilet Seat pen khakcipsuk in, atungah vangik khattawh delhsuk hi. Ataw panin siluang ahih manin Phayathai 3 Hospital ah amanlang in kipuak hi.
Zato atun ciangin Doctors te’n banggul cih theicianlopi in gudal nadingin Antivenin sunngamlo uhhi. Tuaciang in tua Luxury Estate sungah Security Guard te Phone tawh hopih in bang gulnam ahiam cih a ending in kisawl cihi.
Security Guard te’n Toilet hemkhia in, tua gulpen Python akici thamgul namte cih kithei ahih manin, akisam bangin Doctors te’n zatui bawlsakpan uh cihi. Tua Python pen Foundation te tungah ki ap cihi.
Hih Luxury Estate innte pen atamman mahmah hi a, Thai Baht 8 Million panin 30 Million kikalbang amannei innlianpi te ahihi.
Hih innpi sungah innkuan mi 6 aomkhawm uh hi a, anu uh gul in atuk khitzawh laupipi in aom uh ahihi. Tuazawh asawtlo Sunday ni in atanu kum 15 aphapan khatin khutsilding in apaileh tua Toilet sungmah ah gul golpi khatmah muleuleu ahih manin, tua innsung ah omngam nawnlo in meltheih te kiangah kituah ciliang hi.
Related: Malaysia: Dailenbuk sungah gulpi khat nakivial venvan
Innteek tezong hihbang in gul tampi aompen Foundation hoihtak in kibawllo ahihman hiding hi ci’n Media te tungah genkhia in, Housing Management te’n Action alakding uh Complain bawl cih kiza hi. Sawltak #zomidaily
Comment piaknop aomleh...