Bangkok ah Model numeino khat amahleh amah ki guiawk in si

Bangkok ah Model numeino khat amahleh amah ki guiawk in si

Thailand, Bangkok, Suan Luang District sungah Model numeino khat amah leh amah ki guiawk in si cih The Nation pan kiza hi. Tua Model nupen amin Nunnpus Muengma kici a, kum 19 aphakhin khat ahihi.

A naseppen Freelance Fashion Model hi a, abeisa tawlkhatsung lungkiatna “Depression” nei ahih manin, nung Sunday (Dec 17) zankimlam in alawmpa innsung ah aki guiawk in asi ahihi.

Hihvai tawh kisai in Khlong Ton Police Station panin palik thunei ahi Pol Captain Ariyalertchaikul in agenna ah Sunday zankim Midnight khitin hih Model nu ii sihnavai hongki zasak cihi. Aki guiawkna munpen dawlnih apha innsung khatah aki khailum cihi.

Inntung dawlnihna aom lupnakhan Bedroom sungah aki guiawk ci a, Ceiling Fan tungah uikhihna khautawh aki khailum ahihi.

Asihhun pen akituatkik ciangin akimuhma nai 24 hunpawl in asikhin hiding in ki ummawh hi. Apumpi hoihtak akivel ciangin bangmahdang liamna omlo a, aki guiawkma in Bedroom pen asunglampan in kongkhak ki kalhkhum cihi.

Midang khatpeuh in abawlsia, athatlum cih hilo in, amahleh amah aki khailum Suicide hiding ci’n Police te’n ciamteh uh a, aluanghawm pen Chulalongkorn Hospital ah Postmortem bawlding in kipuak hi.

Hih Model nupen tua aki khailupna munah alawmpa tawh abeisa kha 6 hunlaipek akipan aomkhawm uh ahihi. Tuaban ah tua Model nu ii zat Facebook tungahzong abeisa Friday (Dec 15) ni in laikhat gelhkhia a, tuapen Facebook tungah alaigelh nunung kici hi. A laigelh pen hihbang ahihi

“I think i wanna do something. But now im not happiness. What should i do?”

More: Suicide leh Murder Video te a encikding in Facebook in nasemding mi 3000 behlapding

Tua Model nu in abeisa hunsung inzong tamveipi kaki khailupsawm a, ahi zongin tuabangin kasawmna pen kuamah in hong theihpihlo uhhi ci’nzong gelhkhia cihi. Amahpen lungkiat natna Depression aneikhat hi a, tua lungkiat natna adamsak nadingin anekzel anti-depression medication kici zatui pen kanekloh ni 2 phakhinta cihi. Tuazawh asawtlo in akikhailum ahihi. Sawltak #zomidaily