Bang Alternative Income Source hoihpending ~ Carey Suante

Bang Alternative Income Source hoihpending ~ Carey Suante

A hoihpen cih theih ding om tuanlo hi. Nangma mimal lunglutna leh siamna tawh kituak penpen a hoih penpen hipah hi. Theih ding khat pen, tulaitak na nasepna hong buaisaklo ding, na innkuanpihte’n zong hong thukimpih uh khat ahih ding thupi hi. Bang hang hiam cih leh, na nasepna ah hun tampi na bei zawh ciang, hun bangzah hiam khat mah hih na alternative income a ding sep sawm na hih man in, na innkuanpihte zong buaisak kha ding hi.

Lawhcinna Thuguk

• 1. Passion — Na lunglutna tawh kituak khat sem in.
• 2. Expertise – Na siamna tawh kituak khat sem in.
• 3. Patience — Na nasepnapi pen hilo ahih man in, na hun neih sunsun ciang na sep bek ahih man in na deih bang in hong picing pahlo ding hi. Lungduai in.
• 4. Commitment – Hih bang nasepna in cihtakna taktak kisam hi.
• 5. Persistence — Lungkia ken. Lawhcing teitei ding cihna thu omlo hi. Kisin kik, kisin kik in.
• 6. Diversify — Lawhcinna khat na neih leh, tua ah lungkim pahlo in a dang (alternative income source) zon beh lai in.
• 7. Little by little — sum tawmtawm hong luang lutte mah limtak zeek in, khol ding ahihi. Hih na sum kholte tawh na business puah leh zuun theih hi. A lianzaw, a kicing zaw in bawl theih na ding sum ahihi.

How To Start Making MORE Money

Step-by-step in sum muhna bang ci bawl ding cih en ni:

1. Na lunglutna leh nuam na sak mahmahte tawh kipan in: Business khat peuhpeuh in i hun leh tha tampi hong laksak ahihman in i lunglutte bek mah i sep ding thupi hi. Tua ahih kei leh, na sumbawlna lawhsam veve ding hi.

2. Business plan kician bawl/nei in. Na sumbawlna a nei ta zong in ngemna leh tupna kician neih ding hoih hi. Lam kiang ah nektheih neng zuak bek na hi zong ngaihsun detdet masa leteh lianpi suah theih lua hi.

3. Sem khia in. Tupna leh ngimna bek tawh bangmah tangtung neilo hi. Na gelgel sang in sep khiat ding sawm zaw in. Tampi ngim sang in tawmcik sep khiat hoihzaw lai ding hi.

4. Sin in la, behlap in. Na lawhcing pah kei zong in na lawhsapna pan sin in la, a hoih zaw ding leh a kician sem in nasep kisin tawntung in. Lawhsapna hang tawh a khawl pahte in lawhcinna ngah ngeilo ding uhi.

Extra Income Bang Ah Zang Ding

Hun khat ciang in na sumbawlna pan in sum hong lut ding a, a meet hong om ding hi. Hihte bang a zang ding cih en ni:

• Bat piakna in zang
• Emergency fund na innkuan a ding bawl
• Khol leh meetbawl kik theih hi
• Na sumbawlna ah meetbawl kik – na sumbuuk khan, a tamzaw van zuak, a hoihzaw a kilawmzaw ding in bawl
• Sum meetbawlna dang zonna in zat theih leuleu hi.
• Nang leh na innkuanpihte a ding in neek leh dawn a zang in na nuntakna nuamtuam sak in. Khat vei kia nungta ding i hihi. Carey Suante