Indonesia, Bali ah guihtheih khamtheih vankham tawh gamdangmi 3 kiman

Indonesia, Bali ah guihtheih khamtheih vankham tawh gamdangmi 3 kiman

Indonesia, Bali Island ahzong guihtheih khamtheih vankham Drug tawh mi 3 kiman cih Reuters te’n pulakkhia uhhi. Tua akiman mi 3 tepen Malaysian, Australian leh American gammi hi ci’n Indonesia Anti-Narcotics Agency te’n pulakkhia uhhi.

Hih mi 3 tepen Indonesia gamsung muntuamtuam ah akiman uh hi a, zanni Tuesday (Dec 19) ni in Bali, Denpasar aom Ngurai Rai Airport ah Anti-Narcotics Agency te’n Reporters tetawh kimuhna, pulak khiatna nei uhhi. Akiman mi 3 tepen Orange Color thongpuan ki silhsak in, akhutte kol kibulhsak a, amai zong ki tuamcip uhhi.

Bali tuikulh pen “Holiday Island” akicihliang mahbang in gamdangmi te khualzinna, tawlngakna mun nopci mahmahkhat ahihi. Gamdangmi khualzin atam mahbangin guihtheih khamtheih Drug tuamtuam azangzong tampah hi.

Indonesia gampen leitung ah vankham Narcotics tawh kisai in thukhun akhauh mahmah gamkhat hi a, Drug azangte pen sihdaan “Death Penalty” aki piapahpah ahihi. Drug themcik akemkha khatpeuhzong kum tampitak thongsung ah akikoihthei hi a, atampian tawh akiman peuhmahpen Death Sentence kipia pahpah hi. Hih akiman mi 3 te ii thuakding pen ki pulak nailo hi.

2015 kumsung inzong Australia gammi 2 Drug vai hangin sihdaan kipia in, thautawh kikaplum ahih manin, Australia leh Indonesia gamnih kiznopna nawngkai saktuam mahmah hi.

Video: Malaysian among three nabbed in Bali for having drugs

Indonesia gamsung ah mimal Population akigawm in 250 Million bang aom lakah vankhamzang pen 6.4 Million omding kici hi. Indonesia President Joko Widodo inzong Narcotics te kiangah vankhamzang te hehpihding hilo hi. Drug Traffickers te matding anial, ataisawm teitei aomleh thautawh kapding hi ci’n Law Enforcers te tungah genkhia cihi.

Philippines President Rodrigo Duterte inzong 2016 sungin vankhamzang teng bengkhiasak a, Drug azang mi tultampitak ki kaplum takpi hi.

India pan Malaysia aki puaksimsawm vankham $1.4 Million manneiding kiman

India gampan in Malaysia gamsung ah akipuakding vankham Drug honkhat kiman cih Bernama pan kiza hi. Tua Drug tepen akigawm in agihna 50kg bang pha a, India, Chennai City panin Malaysia gamsung akipuakding Cargo Container sungpan in aki mukhia cih India Local Media te’n Tuesday (Dec 19) ni in genkhia uhhi.

Tua akiman Drug tengpen amanzah akituat ciangin US$1.4 Million bang manneiding ciliang hi. Cargo Container sungah akimukhia Drug tengpen Methaqualone (Mandrax) 44.2kg, Piperonal 5.9kg, Party Drug honkhat cihbangteng ahihi.

More: Bombi sungtenkawm ah vankham apua numei 4 Yangon Airport ah kiman

Hih akipuaksimsawm Drug akikoihna Cargo Container pen India Customs Department te’nzong asit uh hangin, bangmah mulo in “Clear” ci’n aciapteh khit uh ahihi. Ahi zongin Drug kipuacih kihilhsim, Tip-off akipia aom ciangin kizongkik a, asungah Drug honkhat aki mukhia ahihi.

Tua Cargo Container akipuak nading, atun nadingin akigelh Address zong akisit ciangin ataktak hilo, Fake Address cisawnsawn hi. Hih Drug anei, apuaksawm kuahiam cih kumpi thunei te’n kansan uh cih kiza hi. Sawltak #zomidaily