Iraq gamsung Baghdad khuapi laizang ah zanni Sunday ni in Suicide Bomb khat nasiatak in kitam a, akiim apam aom khuasung mite tampitak asi aliam om cih Fox News in genkhia hi. Kumpi thunei te genkhiatna ah asi bekbek mi 115 phakhin a, aliamzong mi 200 val pha ciliang ahih manin, cikziak huai mahmah hi.
Hih Bomb asukham pen IS temah hihtuak zel a, amauzong kipaktak in ko khutlum hi ci’n genkhia zawlaimah uhhi. Hihpen Iraq gamsung ah tunai Bomb kitamte lakpan ahuaisia, anasia penpen hipah hi.
Hih Bomb puahtapna munpen Central Karada District sung Shopping Area in aki ciahtehna munsung hi a, hihhangin asi te lakah naupang zong 15 kihel a, numei 10 leh palik zong mi 6 kihel uhhi.
Karada District cihna munpen sumbawl paaibawl te ki tuahkhopna Commercial Area hi a, suangmanpha leh vanmanpha tuamtuam zong aki zuakzihziahna mun ahihi. Annsai minthang Restaurant leh Cafe tuamtuam aom banah zanhunnuam zangin migualnop mahmah laitak in Suicide Bomb ci’n ama pumpi tungpan Bomb puakkhamsak in mi hizah asisak te lungtangsung ah bang ngaihsutna omhiam cihhuai mahmah hi.
Bomb puakkham ging pen ngaihlua mahmah ahih manin, zingling bangliang a kiling ziahziah hi. Mipi te laulua ahih manin Shopping Mall sungah kiphugawp uh a, pawlkhat tuapanin anakzo nawnlo, asihlawh zong om ci palik te’n genkhia hi.
Tusung teng ih IS migilo te hongki limpatkik mahmah uh ahih manin, mipi aom zelzulna munte pelhtheileng ahoihzawtam cihkhat….. ZD Sawltak #zomidaily
Comment piaknop aomleh...