Australia Prime Minister Scott Morrison thu atom

Australia Prime Minister Scott Morrison thu atom

A 45 na Australia Prime Minister Scott Morrison pen 13 May 1968 ni in, New South Wale State , Sydney khua pi , Waverley ah suak hi. U nau 3 pha in, a pian na a Pa pen Palik ( police) Mayor khat a hihi. Tua bek hi lo in a mah pen England pan Australia a tung ma sa First Fleet (1788) William Robert tawh khang gui ki zom khat (suan le paal) a hihi.

Morrison pen University of New South Wales pan in B.Sc ( Hons) Geography tawh sang man khat a hihi. Economic lam zong applied aa tua pen zo man lo in na sep ki pan ci hi. Canada ah Thelogy ( Laisiangtho lam) kah ding gel mah leh a Pa in phal lo ci hi.

A sang man khit ciang in national policy and research ah 1989-1995 dong sem aa, tua khit ciang in Tourism Task Force ah na sep laih hi. A sawt lo in New Zealand gam ah ki tuah aa, tua teng ah Tourism and Sport ah director ngah hi. 2000 kum ciang in Australia gam ah hong ciah kik in, New South Wale Liberal Party ah State Director sem hi.

2008 kum ciang in Malcolm Turnbull’s Colition ah housing and local minister pan mun hong ngah to hi. 2009 December ciang in Immigration and Citizenship ah minister pan mun hong ngah leuleu hi. Tua khit ciang in Tony Abbott in cabinet hong ngah ciang in, Shadow committee on Border protection ah hong sem thei hi.

Tony Abbott in kumpi uk na hong ngah ciang , Morrison in Asylum seeker leh refugee te vai ah khauh tak hong sep na hang in, Refugee Convention dong ah min phat na ngah khol lo hi. 2014 ciang in Minister for Immigration and Border Protection pan in ki khawl sak aa, Minister for Social Service ah pan mun ki pia hi.

Turnbull Government hong sep , 2015 kum September kha ciang in Gam bup Sum Kem pi ( Treasurer ) pan mun hong ngah to leuleu hi. Sum kem hong ngah phet in Kum pi sum zat na te khiap ding vai gen masak in nei pah hi. 2016 Federal Budget suaih ciang in Budget khiap ding hong gel pah hi. A mah pen Neih ki bang ki teen na( same sex maariage ) pen a lang pan mahmah khat na hi bilbel hi.

2018 August kha ciang in, Liberal Party sung ah makai ki tuh buai na hong om aa, tua lai tak Party makai a hi Malcolm Turnbull pen a dem ding in Mi 3 om aa, Peter Dutton, Morrison leh Julie Bishop te a hihi. Party makai ding a mau sung hong ki dem tak pi uh aa, Peter Dutton leh Turnbull hong ki dem masa aa, A hi zong Turnbull in hong zo kik hi. A kik ciang in Morrison tawh hong ki dem kik aa, Morrison in hong zo a hih man in Party makai leh a 45 na Australia Prime Minister hong suak to hi.

PM hong sep khit October 2018 ciang in Isreal gam Australia Embassy pen Tel Aviv khuapi pan in Jerusalem khuapi ah tuah ding hong tang ko aa, Isreal te khuapi pen Jerusalem in kip sak ding hong phuang khia hi. 2019 May kha gam bup ki teel ( Federal Election ) pan in Colition te’n zo lai a hih man in Scott Morrison in Prime Minister hong sem to suak thei a hihi.

Kum 16 a phak a ki pan a ki ngaih pih Jenny Warren tawh 1991 kum ki teng uh aa, kum 18 sung ta nei lo uh hi. Tua khit ciang in IVF tawh ta neih ding bawl mah leh unsuccess ( Suakzolo) uh hi. A hi zong Pasian heh pih na tawh Ta nu 2 pen natural ( pongman) bang in hong nei thei uh aa A ta nu te pen Independent Baptist School ah sang kah sak uh hi.

Morrison pen Presbyterian pawlpi pan khang khia in, tua khit ciang Uniting Church ah ki ngawm uh hi. A nu nung lam ciang Pentecostal up na hong sang in Horizon Church ah ki khawm in pawlpi mi khat zong a hihi. Horizon Church pen Australian Christian Churches ( ACC) leh Assemblies of God khut nuai ah a om pawlpi khat a hihi. Morrison pen a masa penpen Pentecostal Up na nei Prime Minister a hihi. Src: Wikipedia, Thupuak, Lamhkim Samte (ZomimediaAus, Melbourne)