Australia ah meileng khat ii anunglam ah aguktuansim pasalkhat kiman
Australia gamsung ah pasal khat meileng ahattai mahmahkhat ii anungah aguktuansim kitheikhia ahih manin, kumpi thunei te’n manpah uh cihi. Tuameileng pen ahat taivalval laitak in ageinai meilengtung khatpanin Video kizaihkha a, Social Media ah ki khahkhia hi.
Lace Stone kici khatin Video azaihkhak kici a, Mitchell Freeway ah meileng tawh azinlaitak azaihkhak hi in, Facebook ah Saturday ni in tua Video khahkhia hi.
Public Transport Authority (PTA) te’n agenkhiatna ah hihpa pen kum 23 aphakhin khat ci uhhi. Meileng aguktuan lauhuai mahmah hi, themcikkhat kikhial khaleh kiasuk in meileng sikzawn leh Concrete tetawh kisatsukleh asikei phialzongin nakliam mahmahding hi ci’n Spokesman David Hynes in genkhia hi.
Australia gamsung atai Perthtransit Train tungah Saturday nitaklam 4:30pm hunpawl in atuang kici a, Leederville Station panin Glendalough Station lamzuanin atuang ahihi. Meileng anunglam Winscreen Wiper lenkawmsa in, atuangsim hi a, lauhuai mahmah hi.
Public Transport Authority te’n CCTV panin mukhiapah uh a, tuapa pen Glendalough Station atun ciangin meileng sungah lut cihi.
Video: Man hitches free ride on train by clinging to wipers
Tuapan in Stirling Station ah akhawl ciangin Police te’n nadawntuah in, namanpah uhhi. Akimat khitciangin Hospital ah kipaipih a, alungsim amanlai mahhiam ci’n Mental Health Assessment kibawlsak hi.
Hih Video amukhate’n hihpa gamtatna pen haivai samahmah uh a, kosukpah giapgiap uhhi. Facebook tungah akhakhiapen inzong athulu Caption ah “When u don’t wanna ride with the filth on the train but u got places to be….” ci’n gelh citciat a, meileng sukah mikihhuai tetawh na tuankhopnop keileh mundang ah na tuankhop nading omveve cisese hi. Hih Video pen aki khahkhiatzawh kilim et mahmah a, 39,010 Views bang phakhinta hi.
Related: Marawi City kidona ah Australian Journalist khat agawl ah thautang lutin silo bilbel
Public Transport Authority te genkhiatna ah hihbangdan meileng “Surfing” pen omngeilo a, akhatvei aki muhcilna hiding ci uhhi. Tulai leitung thuthangte zong ahaivai tuamtuam vive himai ei. Zomi Daily ah akigelhkhia leitung thuthang tepen phuahtawm tangthu hilo a, apiangtaktak thukhel thuthang tuamtuam, Zolai tawh hongki gelhkhia ahihi. Gentehna: September 23 niciang leitunghun beiding cihbangpen ko ii phuahtawm hilo, leitung News Agency lianpipi te’nzong asuahsak uhciang Zolai tawh hongki letkhia hi a, leitunghun abeiloh pen kotawh kisaina omlo hi. Leitunghun beilohpen leibasik in hongsiksik nawnkei un 🙂 Sawltak #zomidaily
Comment piaknop aomleh...