Zomi tangval khat Australia ah thugending sapna ngah: Tg. Pau Sian Lian

Zomi tangval khat Australia ah thugending sapna ngah: Tg. Pau Sian Lian

Waseda University, Tokyo Japan ah Political Science tawh Ph.D a sin Tg. Pau Sian Lian @ Tg. Lianpi, NSW University of Sydney ah a kibawl 22nd Biennial Conference of the Asian Studies Association of Australia ah July 3-5, 2018 hunsung in Khantohna ah Zogam Numei te maa’pan kihelna cih thu lu tawh thugenna nei thei ahih man angtang pihna lungdam pihna thu i-ki zasak hi.

21-25 July, 2018 ni in, Brisbane Convention & Exhibition Centre ah a kibawl ding 25th IPSA World Congress of Political Science ah “Myanmar’s Readiness for Federalism Relative to the Federal Models of Switzerland and Bosnia – Herzegovina” cih thugenna zong neih ding cih kiza hi.

Tg. Lianpi pen tulai tak huntom a ngahsung, Melbourne ah hong hawh pak hi a, zingnitak Siantawi Zaicin ZMC biakinn ah zong Khangno te a ding thugen na huntom khat zong nei ding cih ki za hi. Lamh Kim

More: A ithuai thu lamdang muhthakna (Beautiful Surprise) ~ Pau Sian Lian

Research i cih thugil kantelna a kibawlteh hih a ithuai thu lamdang muhthakna cih khat om thei hi. Mikang lai-in beautiful surprise ci-in min na phuah uh a, thu-le-late sakhi tuineek a kipan kankik ci ding i hiam, a dawn dong kan kikkik, kan phapha, kan behbeh, telkheh kikkik, sit niloh lehang upmawh loh, lamet loh, ngaihsut hetloh, phawkkhak ngiatloh lamdang i sak thusim, thuthak honkhat muhkhiatna om thei hi. Tuate pen mipilte’n hoihsa ngiat, ithuai nasa ngiungeu ngiat uh ahih manin a ithuai lamdang muhthakna (beautiful surprise) ci-in na ciamteh uh hi.

Gentehna pawlkhat en pak dih ni. 1990 kim pawlin US ah Immigration zumte’n Mexico gam pan a lutsim gammi lo pemta, a guklutte khauhtakin bengin, man uh hi. Tua bang mite nasep a guan sumbawlte, setzung neite nangawn kumpi-in thubawl-in, thusit thuak lawh uh hi. Tua bek thamlo gamhuang cing ding galkap tampi panmun….