ATM sungah RM800,000 thunbehding in apai Security Guard mi 4 te damiah kitaih
Malaysia gamsung datsi zuakna “Petrol Station” aom sumsuahna ATM Machine ah sum aguanbehding in apai Security Guards te’n damiah tuak uh cimawk hi. Ampang Jaya police chief ACP Hamzah Alias te genkhiatna ah hih thupiang pen zanni Wednesday ni in Kuala Lumpur, Bukit Antarabangsa sungah thupiang cihi.
Nitaklam 5pm hunpawl in Petronas Petrol Station aom ATM sungah sum aguanbehding in apai Security Guards mi 4 apai uh ahihi. ATM sungah sum akoihsawmlian laitak in Motorcycle nih tawh mi 4 hongpai uh a, tua sumlomteng sutin taikhiatpih vingveng cimawk hi.
Tua guta damiah te ATM phual atun ciangin khatpa’n Pistol tawh ngimpah a, vantunglam huihlak ah Warning piakna leh Pistol thau taktakmah hi cih lahna in khatvei thaulawn masa cihi. Tuakhit ciangin tua Security Guard te zat ahi Shotgun te suhsak uhhi.
Security Guard te khatzong Shotgun tawh alu satsak uh cihi. Tuakhit ciangin guta damiah te’n sum kikoihna Bags nihte suhsak in, ATM phual panin Yamaha 125Z Motorcycle nihtawh taikhia vingveng uh cihi. Tua ATM sungah sum akoihding in apuak uhpen avekin akigawm in RM800,000 hi a, avekin guta damiah te’n luatkhiaziau uhhi.
Guta damiah te ataikhiat ciangin Security Guard te ii zat Shotgun te lamgei ah paihsak uhhi.
Security Guard te lakah aliam tepen Ampang Hospital ah zatui kibawlding in Outpatient Treatment in kipuak cihi.
Tua guta damiah tepen Motorcycle Helmet khutek uh a, Tinted Visors vive kithuah ahih manin, amel asa uh kicianlo cihi. Tuaban ah akhut uh ahzong khuttuam Gloves vive thuah uh a, khutma Fingerprints zong laktheih omtuaklo hi.
Ahi zongin hih damiah kitaihna pen “Section 394 of the Penal Code and Section 3 of the Firearms (Increased Penalties) Act” tawh thu kibawl in, thunei te’n guta damiah te kansan laitak uh cih kiza hi.
Related: Kuala Lumpur khuasung aom vanmanpha zuakna Jewellery Shop ah suntangpi in damiah lut
Shotgun thau atawi Security Guard te nangawn damiah ataih ngam, sum asutngam mawk te’n mimawkmawk, bangmah hiam atawilo bel hong kihta hetloding uh himawkmah hi. Sawltak #zomidaily
Comment piaknop aomleh...