Athu luan’zui a, acihnopna: Lakam 3

Athu luan’zui a, acihnopna: Lakam 3

1. Lawk bang tau: Natna, meima liamma banga, na samah maha, tau ngeeu-ngeeu. Lawkta= Tawlawk vasate’ haam aw agen hi a, taungeeungeeu takpi uhi.

2. Mim bang thuum: Cimawh beidong, lungkham mangbanga, thuum nguutnguut. Mimva= Vamim te’ haam aw agen hi a, thuumnguut-nguut takpi uhi.

3. Hui bang mau: Lungkim theilo, aheh suaksuak, phunphun luii’luui’ maumau. Huiva = Vahui vasate’ haam aw agen hi. Mau ngeiingaii takpi uhi.

Aki hoihsak, ahoihnuam mahmah vahui in amuk hoihsalo in, ahoih zawdinga abawlbawl leh, siasak tektek zawsop hi, kici hi. Ipu ipa te’n thugentehna in na zang uh a, “VAHUI MUKBAWL BANG” cise uhi.

Video: Lakam tawh kisai Lengtong Pauno ~ Zomi Idol Malaysia

https://www.youtube.com/watch?v=4H9lH9CXNWI

MI HAMSIA ICIH TAKTAK TE

• -Anaseppihte amuanglo nilohte,
• -Avawhlohna ah agah a at nuamte,
• -Khathu le leitungthu ah akineihdente,
• -Nakhempeuh asialamvive a alanilohte,
• -Apiangbangbang tawh alungkim theilote,
• -Tapidaw pawlpisung omnapi’n apiangthaklote,
• -Abeisathute sutkikkika, alungkimtheilo nilohte,
• -Angahzahtawh lungkimlo a midang a e’ng nilohte,
• -Pasian nasem hinapi’n alawhcingthei mahmah lote,
• -Agualzo leh alawhcing a omsima alung himawh nilohte,
• -Sihciang ading khualna bek tawh Tapidaw pawlpisung alutte,
• -Apiangsakpa sanga apian’sak nate tawh abuai nilohte,
• -Pasianpiak thupha hawmthawha aphun niloh te,
• -Ngahdingbek uta, apiakhianuam ngeilote,
• -Apian’na nulepa ahawmthawh nilohte,
• -Thuginalo vive tawh abuai nilohte.

AVEILAM KHE AWWKK

Tangval upasimkhat in nungaknokhat heel. Nungaknu lokuan thatawl, a ihmutsuaklua, ameikiang thukgei ah lusu ngeungeu tuuk dek dek zawzen.

Innteekte’zia leh nungaknu’ omdan akhen telsiam meello pa’n lah, ciahhun ciahphaatding theilo, gending zong theingeiingaplo, tutu tutu tutu pongmawk.

A sawtpipek teh, ciahsawm sam. “Ciah taning ei’ Manno, zanpha maw” ci kawmkawm in dingkhia a, akongkhak pualam ah aziatlam khe asuan’ lian leh, aciahkhiatkaalding angaklah lua mahmah Manno in, thakhat thu a akongkhak akhakvat leh, tangval pa’ veilam khe khaknelh kha, AVEILAM KHE AWWKKKK

Ka lungdam, Munkhai’pa