Ataw pan bawngtal ki letmat 11 thukin pikkha himahleh lungkianai tuanlo

Ataw pan bawngtal ki letmat 11 thukin pikkha himahleh lungkianai tuanlo

Update: Mexico City ah nung Sunday ni in bawngtal tawh kimawlpawi Bullfight khat om a, tualai ah Matador Antonio Romero kicipa pen bawngtal in aki tawh ataw pan pikkha hi. Tua bawngtal pen agol simtham, agihna 1,160 Pound bang apha khat ahihi.

Atawkuam Rectal Area teng bawngtal in aki tawh apikkhak hi a, letmat 11 bang thukin lutto cimawk hi. Ahi zongin tuapa pen silo in zato ah aki puakpah hi a, tu’n noptuam zawdeuhta hi. Ataw kuamtengbel siacipgawp in tamveipi kikhui cihi.

Antonio Romero pen aliamma zong damsiang nailo in, Bullflighting (Fiesta Brava) kimawlding mah lunggulhlai veve hi. Bawngtal tawh kimawlna Bullflighting ah mi thupi khat kasuaknuam ci’n Media tetungah a zato lupna tungpan in genkhia hi. Ukdan atuamtuam….

Bawngtal ki letmat 11 khawng ataw ah lutto in thuaklah mahmah

Mexico City sung aom Plaza Mexico ah Bawngtal tawh kimawlna Bullfight pawipi khat kibawl a, tualai ah Antonio Romero akicipa bawngtal tawh akimawl laitak in bawngin ataw panin pikkha cih Daily Relegraph pan kiza hi.

Atawvang sungah bawngtal ki letmat 11 khawng lutto liangin limpikkhak mahmah ahih manin, thuaklah mahmah a, zato kipuakpah cihi. Hih bawngtal tawh kimawl pen adiakdiak in Spain, Portugal leh Latin America gamte ah limzat mahmah uh a, Bullfight ci’n bawngtal te hehsak in kimawlpihgawp pongmawk uhhi.

Antonio Romero kicipa zong bawngtal nangawn alaulo, akimuang kingkengsa in akimawl himahleh upmawh banglovat in bawngtal in pikkha citciat hi.

Bawngtal pen hehsakkhin ahih manin akhut pikkha masa a, tuapan in Antonio Romero pen leilak ah tuksuk hi.

Atuk laitak in bawngtal in ataw pikkhamawk ahih manin, aki letmat 11 khawng tawvang sungah luttokha hihtuak mawk hi.

Video tomnokhat: Cornada to Antonio Romero and interview to the cattleman of Piedras Negras

Antonio Romero pen leilak ah atuk ciangin alawmte’n honkhia uh a, athuak zahding phadawm cihding ahihi. Alawmte’n honkhialo hikeileh hihsangin limthuakzaw khalai dinghi.

Bullfight kimawl pen ageinai ah etdingin utmasak huai khollo a, YouTube khawng paninbel cimphawng etnop bilbel hi 🙂 Ahaivai mahmah kimawlna cihding inlah Spanish te’n zanuam hetloding ahih manin, alauhuai mahmah kimawlna khat ahihi.

More: Mexico vanleng tung khatah gul ahinglai kimu

Hih Bullfight kimawlna hangin asihlawh leh Accident piangzong tampi kiza zelzel hi. ZD Sawltak #zomidaily