Atapa laisimding deihsak in Phone asuhsakpen atapa in anu thukhenzum ah khia

Atapa laisimding deihsak in Phone asuhsakpen atapa in anu thukhenzum ah khia

Spain gamah nupi khatin atapa sanglai simsaknuam ahih manin a phone zatding phallo in, asuhsak pen atapa lungkimlo in thukhen zumah thubawl (Sue) cih Fox News pan kiza hi.

A tapa in thukhenzum ah akhiatna ah anu in a phone suhsak, Mistreatment hi ci’n thubawl hi. Anu in atapa sanglai simsaknuam ahih manin a Phone asuhsak pen February khasung in thupiang ahihi.

A tapa in Legal Action laksak sawmmawk in, Mistreatment cihtawh thu abawlsak hi a, kha 9 sungbang thong aki kiatsak nading in thubawl cimawk hi. Tuabek thamlo thukhenzum ah thubawlna ah asumbei Legal Cost tezong anu in apiak nadingin ngetsaksawm cihi.

Southern Spain gamsung aom thukhenzum ah hihbangdan akiza pakpaklo kikhiatna pen nungkalsung in thukhenmangpa sabuai mai ah hongtungto mawk hi.

Thukhenmang Judge pa bilbel pen anu lamsang ah hongpanpih bilbel in, nanu pen ama septheihna Rights nei hi. Na phone hong suhsak in lai nasimding hongdeih ahih manin asepding kilawm asemkhia hi ci’n Judge in anu zosakzaw hi.

Na Mobile Phone pen na utbangbang in hongzangsak henla, laisimlo in omlecin nanu pen nukician “Responsible Mother” kici theiloding hi ci’n Judge in genkhia cihi.

Hihbangdan in Technology vaitawh nulehpa peuh thu abawlsawm, Legal Action aki laksawmpen omthei mawk hi. Nungkum inzong Austria gamah kum 18 aphakhin khatin anuleh apa thubawl a, a naupanglai Childhood Photo te Facebook ah hong koihsak ci’n thukhenzum ah khiamawk hi.

Zomi sungah gamdang atungkhin nulehpa pawlkhat pilna tawh akoplualo ki om kawikawi hi. Tuate’n tate uksiamding kisam mahmah khading hi.

More: Spain ah meileng tuahsia, mi 4 si, 50 val liam

Naupang te’n Rights nei uh cihbekbek tawh amauthu bekbek zuihdetding hikhinlo khading hi. Nulehpa inzong Rights aneihlam uh kitheihsak huai hi. Tua Rights te theicianlo in Zomi te’nzong hihbangdan mailam ah ih tuakkhakding dipkuat huai mahmah hi. ZD Sawltak #zomidaily