Apasal tawh alumkhawm numeikhat azi in atheih ciangin avan sungah zasan hensak
Numei khat akalkawm avansung ah zasan akikoihsak laitak Photo pen tulaitak Social Media ah ki thehzak hi. Tua numeinu pen midangkhat ii pasal tawh nalumkhawmzel ahih manin, azi in atheihciang avansung ah zasan ahentohsak cimawk hi.
Hih thuthang pen Vietnam gamsung ah aom Thai Nguyen Province sungah nung Tuesday ni in thupiang cih Daily Mail pan kiza hi. Ly Chanel kici numei kum 23 aphakhin khat, nau apaaizawh kha 3 bang hikhinta cihi.
Alawmpa pen 24 aphakhin Chien Keo kici khat hi a, innpan in mangcip theizel cihi. Azi in muangmawh ahih manin athu akan ciangin apualam ah zineu “Mistress” khat aneihlam theikhia hi.
Ly Chanel zong apasal in akhemkhem atheih ciangin hehmahmah a, alawmte numei 3 zawnin apaina zuisimpah uhhi. Apasal pen azineu tawh Motel sungkhat ah alut uh amuh ciangin suizuihpah uh a, apasal zineu mancip in avansung ah zasan hensakgawp uh cimawk hi.
Tuabang in zasan ahensak laitak uh Photo zaihin mipi muhtheih dingin khahkhiamawk uh ahih manin, Social Media ah ki thehzakpah zihziah hi. Apasal tawh aomkhawm numeinu pen aguaktang in apuanteng suahkhiatsak uh a, lupna tungah thagum tawh lencip in, khatin khuttuam thuahliang in avansung ah zasan hensakgawp cimawk hi.
Numeinu pen kitomgawp himahleh alu, akhut, akhe panin lencip teitei uh a, hensak teitei in, adang acianlai zasan tezong lupna tungah ki thehzakgawp hi.
Tuabang in apasal tawh aomkhawm numeinu abawlsiatna Photo pen lungkimtak in Social Media ah akhahkhiat ciangin, mipi te’n amah namawhsakzaw leuleu uhhi. Tua numei hizah in abawlsiat mahbangin banghang in apasal zong bawlsialo uhhiam ci’n Netizens te ciakngeingai leuleu uhhi.
Hih thupiang tawh kisai in Police te’n kokiang ah bawlsiat athuak numeinu in bangmah Report hongbawlkei ci’n genkhia hi. District attorney’s office panin Lawyer Giang Hong Thanh in agenkhiatna ah apasal tawh hih numeinu aomkhawmzel takpi ahihleh azi in aheh suaklua in agamtat pen khiallua samlo hi.
Related: Vietnam gamsung mopawi khatah pawisiim mikhat kidawtlum
Ahi zongin midangkhat ii Sensitive Area ah zasan zutsakgawp cihpen diklo hi. Tuaban ah hihbang bawlsiatna pen mipi muhding in Internet tungah koihsawnsawn cihpen midangkhat bawlsiatna taktak hi ci’n genkhia hi. Nang thukhending hilecin kua nagum zawtam? Sawltak #zomidaily
Comment piaknop aomleh...