Amusement Park luaitungpan numeino kum 14 khat kia in si

Amusement Park luaitungpan numeino kum 14 khat kia in si

China, Fengdu County sung aom Amusement Park kici gualnop kimawltheih tuamtuam aomna khatah Friday ni numeino khat luaibangin akiveitung khatpan in kiasuk in si cih Straits Times pan kiza hi. Hih luaibang akivei pen “A Journey In Space” kici a, Zhaohua Park sung aom kimawlna khat ahihi. Vandawn ah akivei laitak in aset siatna om Mulfunction ahih manin numeino pen kiasuk in asihlawh ahihi.

Tua numeino pen kum 14 bek aphapan khat kici hi. A luaituanna pen vandawn ah akahtoh laitak in kilumlet in tua numeino pen atutna panin kilawnkhia hi. Luai tungah akhe langkhatbek tawh tawmvei aki bungbukhai lenglang khitciang in kiasuk in leitawh kisaksukna hi.

Thunei te’n CPR (Cardiopulmonary Resuscitation) bawlin ahanciam uhhang in nakkikthei nawnlo in, ageinai aom People’s Hospital kici zato ah amanlang in kipuaksuakpah hi. Zato atunlian in anuntakna beita cih kiza hi.

Hih Accident pen Video Clip khatzong kimukhia a, numeino pen atutna panin akilotkhiat hangin akhe pen atutna Metal Bar tungah na awklai citciat hi. Aluai kiveipen khawllo in kiveisuak ahih manin, tua numeino pen alu leh anuaiah zawl akikhungkhat satkha sawnsawn hi.

Atutna panin akiasuakpah hi’n leilak tusakpah hileh sihlawhlo khathei himahleh atutna tawh akhe ki awhlai citciat ahih manin, luai akiveiciang alu in zawl kisatkha sese hi.

Girl, 14, is THROWN from a ride at Chinese fairground

Amusement Park tepen gualnop nadingmun ahih hangin tuahsiat hunzong omthei zelzel hi. India gamsung ahzong Ferris Wheel tawh Selfie Photo akizaihsawm khat aluvun kihawkngei mawk hi.

More: Ferris Wheel geiah Selfie Photo kizaihna panin aluvun kihawk ~ ZD

Chongqing Morning Post te genkhiatna ah hih luaipen aset siatna hangin hibangin apianghi cih thunei te’n Official in genkhia cihi. Kumpi thunei te’nzong hih Amusement Park sung aom setvanteng sitcianna nei in, bangcisiattheih cih kancianna nei uh cih kiza hi. ZD Sawltak #zomidaily