Malaysia, Ampang vengsung nasepna khatah Crane tuksuk in lamzikpi khakcip

Malaysia, Ampang vengsung nasepna khatah Crane tuksuk in lamzikpi khakcip

Malaysia, Ampang vengsung nasepna khatah akizang vangik doptohna Crane khat tuksuk in mikhatliam cih NST pan kiza hi. Tua aliampa pen ahawlpa “Crane Operator” ahihi.

Hih Crane atuksuk ciangin lamzikpilam ah tuksuk a, ahi zongin mawtaw apailaite denkhak bangmah neilo bilbel hi. Ahi zongin lamzikpi khakcipsak ahih manin, tuakuamsung aom lampitung tengah mawtaw awkcipsak zihziah hi.

Adiakdiak in Kuala Lumpur Middle Ring Road 2 (MRR2) dungteng leh Jalan Bunga Anggerik dungteng ah mawtaw tampi awkcip sakgawp hi.

Selangor Fire and Rescue Department panin thunei te genkhiatna ah tuni Monday, zingsanglam 10:12am hunpawl in huhngetna Distress Call hongki zasak cihi. Tuaciangin Ampang Station aom Firefighter mi 6 kidelh sakpah cihi.

Video: Crane topples over in Ampang; operator injured

Firefigher te atun uhciangin Crane atuksuk in lamzikpi khakcipsak hi. Crane Driver papen kum 36 aphakhin khat hi a, aminpen Azri Yahya kici in akawng geiteng ah liamna ngahhi. Tua ahih manin Hospital Ampang ah zatui kibawlding in kipuak hi ci’n Station Management makaipi ahi Alimaddia Bukri in genkhia hi.

Kumpi thunei ahi Selangor Traffic Enforcement and Investigation Department chief Superintendent Azman Shari’at inzong hih tuahsiatna aom ciangin Traffic Police te kiangah lamzikpi te khakcipding in thupia in, atuksuk Crane Heavy Machine pipen ki hemkhiasak hi. Ama genna ah hih atuksuk Crane setpi in lamzikpi 3 Lanes aom lakah 2 tepen khakciplian cihi.

More: Kuala Lumpur khuasung aom Construction khat ah akizang Crane tuksuk, numeikhat liam

Mawtaw lampiteng ki khakcip ahih manin, Traffic Jam suksia mahmah a, Hulu Klang panin Ampang zuatna lamzikpi dungah mawtaw bekbekin theihsa 4 km sungbang ah mawtaw awkcik mitmet cih kiza hi. Construction geinai limlimbel tuahsiatna tamthei phadiak hi. Sawltak #zomidaily