Ambulance leh mawtaw kitaihkha in, Motorcycle honkhatzong nawkgawp
Malaysia, Penang State sungah zanni Wednesday ni in cinapua mawtaw Ambulance khatin Traffic Light ngakin akhawl dimdem Motorcycle hawlte honkhat nawkkha cih theStar pan kiza hi.
Tua cinapuakna Ambulance mawtaw pen Traffic Light kantan in apailaitak adang mawtaw khatin nawkphei masa ahih manin, akiheppheileh Traffic Light ngakin akhawl dimdem Motorcycle hawlte anawkpheikha ahihi.
Hih tuahsiatna apianna munpen Bukit Mertajam, Song Ban Kheng leh Pusat Perniagaan Gemilang aki tuntuahna Traffic Light Junction lamkabom ah ahihi.
Seberang Perai Tengah (SPT) District Police chief ACP Nik Ros Azhan Nik Abdul Hamid in agenkhiatna ah tua Ambulance pen Pusat Perniagaan Gemilang panin hongki pankhia cihi. Cina khat om ahih manin, apuading in apai laitak ci a, hih tuahsiatna apian laitak in Ambulance sungah cina kuamah omlo cibilbel hi.
Traffic Light atun ciangin meisan pen kantansuak a, alanglam ah Traffic Light mei zui in apai mawtaw khattawh lamkabom laizang ah aki nawkkha masa uh cihi. Mawtaw neu nihtak in Ambulance aphutphei khitciangin, Ambulance zong Control theinawnlo in, Traffic Light ngakin aom Motorcycle 10 khawng aphupheikha ahihi.
Video: Ambulance struck by car, rams into motorcyclists
Tua Motorcylist te lakah khatpa pen akhe liamin Private Hospital khatah kipuak cihi. Traffic Light angak in aom mawtaw khat ii Dashcam panin hih Accident apian laitak Video Record kibawlkha a, Accident apianzia kitel sitset hi. Mi tampi aliamgawploh, asihloh phadawmlai cihding ahihi.
Related: Pata Accident tuakin Ambulance atunciang kum 6 aphapan atapa in kapa honmasa un ci
Khatveivei Ambulance hawlte zong lampi hongki awnlel inteh cihtawh bingtaigawp thei uh ahih manin, Ambulance mawtaw tetawh naki tuahkhakleh kidop huai cih aki phawkphasak ih hihi. Sawltak #zomidaily
Comment piaknop aomleh...