Advisor leh Dictator ~ Pau Khat Suan

Advisor leh Dictator ~ Pau Khat Suan

Mipilte, thuthuk ngaihsunte leh thuhoih deihte in mi thudong thei peuhmah uh hi. (vice versa )

Dotna khempeuh pilzaw theizaw ahihman a thudot, dotna hikhin khollo hi. Mite’ ngaihsutna lakna khawng a dotna, tua thudotte ong kihel ( participate ) ding deihna tawh huainopna a dotna leh kuppihna, … etc cihdan zong tampi om hi.

Tuamah bang in dotloh khempeuh zong haisa a simmawh neu-etna zong hikhin khollo hi. Makai leh sia ut mahmah pawlkhat in amau sang a muanhuai a sak zawk uh pawlkhat amau a khuplet ding sa pahpah uh ahihman in pahtawi nuamlo, pahtawi ngam hetlo uh hi. Ahihtheih lai teng nawlkhin pampaih ding hanciam uh a, midangte’n a thupina, a pil a siamna uh a muhkhak ding patau in khaktan ding leh nuainet ding a simtham in hanciam mahmah sim gige thei uh hi.

A langkhat pan in, pawlkhatte leuleu thu kidong kha leh amah a pilpen, a theipen, a siampen ahihman a thu a kidong sakha thei uh hi. Siapi sem nuam, saisuk saito pah nuam, buu za deihpah thei uh a, amau’ min leh mun ngahna ding a om kei leh ngaihsutna zong pia nuamlo, gen nuamlo, a theih thu nangawn hawmkhia nuamlo thei uh hi.

Bangbang ahi zong in mi thu a dongte makai zong hipah lo a, thudot khempeuh zong pilzaw theizaw cihna hikhin tuanlo hi. Mipilte in advisor (or) advice thupi ngaihsut uh a, advisor a a kikoih ciang ama’ thu bekbek a kimang pah ding ut a, dictator a ut pahpah pawlte a pillote hizaw hamtang hi. Advisor a ong kikoih leh Dictator sepsawm loh ding thupi hi. Pau Khat Suan

Hun zuihzawh ding kisam

Nidang lai, thu kizakna laitai kamtai, laito leh sikkhau bek a kizat hun bang hi nawnlo a, IT hun ah..

• All the information you need is at your finger tips..
• Don’t think you can run and hide away from me. You are just a call away..

cih hun hita ahihman in thu le la khatpeuh selsim theih hun leh zuau leh khemna tawh kilek zualzual a mapai theih hun hi nawnlo hi. Hun kikhel zui in nuntak khuasak leh kizop kikawm ding thupi hi. Tua hun a zuizo ding, a delhpha ding in hanciam huai hi. Pau Khat Suan