A theihhuai upna laang (No. 7) ~ Langh Khan Mung

A theihhuai upna laang (No. 7) ~ Langh Khan Mung

Prosperity Gospel leh Laisiangtho :: Dam ding, hauh ding leh nopsakna dingte pen Pasian’ hong deihsakna hi ci-in hilhin hauhna lunggulhsak mahmah hi. Hih bang ahih theihna dingin Pasian’ kiangah leisasiik bangin hong piakna dingin sawl hi. KSTho pen a deihnate a tangtungsak dingin zangh hi. Ahi zongin LSTho in hong hilhna-ah KSTho in Pasian’ deihna i sepzawhna dingin hong huh hi ci hi. Hih bang thu hilhkhialte pen na thuak kekai un hong kicilo hi.

Timoti Masa 6:5 thuman thutak zui loin, a lungsim paizia uh a man nawn lo, biakna pen hauh theih nading lampi bekin a ngaihsun mite in a tawntungin kitot kiselna a piangsak uh ahi hi.

Timoti Masa 6:9 Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.

Timoti Masa 6:10 Sum deihluatna in siatna namkim piangsak hi. Mi pawlkhat in sum deihlua liang uh ahih manin a upna panun pialkhia-in gimna lungkhamna tampi a thuaklawh uh hi.

Timoti Masa 6:11 Ahi zongin Pasian’ mi ahi nangmah in tua thute khempeuh pelh inla, thuman thutak, Pasian’ deih bangin nuntakna, upna, itna, kipna, le lungnemna na neihzawh nadingin hanciam in.

Leitung van leh nate, lunggulhna hilo lunggulh luatna pen huaihamna kici-a thu-um mite tua bangin huaiham ding hilo hi.

Efesa 5:5 Nulepa khialhna a gamta mi, a kilawm lo-a a gamta mi, le a huaiham (huaihamna zong milim biakna zahin sia hi) mite in Khrih Ukna le Pasian Ukna sungah bangmah ngah nei het lo ding ahihna uh teltakin thei ta un.

Efesa 5:6 Hih bang mawhnate i bawl hangin phamawh kei, ci-in a mawk gen mite’ khemsa-in ta kei un. Pasian thu mang loin hih bangin a gamta mite in Pasian’ hehna a thuak ding uh ahi hi.

Efesa 5:7 Tua ahih manin tua bangin a gamta mite tawh kisukha vet kei un.

Kam tawh a gingkhia-in pulakna in vang nei hi ci-in hilh uh hi. Na kam na muk uhah vangliantna om hi. Na cih bangin hong piang ding hi ci uh hi. Cihnopna-ah upna tawh hilo upna’ i vangliatna tawh (Not by faith but by the power of faith) a gingkhia-in pulaklak lehang Pasian pen daitakin om hithiat theinawnlo-in i lawhkhiat bangin a tangtunna dingin hong sem ding hi ci hi.(Pasian pen mihing in sawltheih hong suak hi.)

James 4:13-16 Tuni ahih kei leh zing ciangin tua khua tua khua-ah va pai-in, kum khat bang va omin, sumbawlin a meet tampi va ngah ni, a ci mite aw, ka thugen hong ngai dih un.Zing ciangin na nuntakna uh bangci ding cih nangawn na thei kei uh hi. Meiilum tawlkhat sung kaii-in a mangthang pak tawh a kibang lel na hi uh hi. Note in, “Topa in hong thukimpih nakleh nungta-in tua bang tua bang i sem ding hi,” na cih ding uh hi bek hi.Ahi zongin note kihisakin na kisial uh hi. Tua bangte hoih het lo hi.

A thugenna khempeuhah hauhna,damna leh nopsakna ding bekbek genin, tua bekbek lunggulgsak hi.

Timoti Masa 3:3 zu a kham lo mi, a ngongtat lo mi, lungsimnem mi, kitot a uk lo mi, sum a deihlua lo mite hi ding uh hi.

Hebru 13:5 Sum deihluatna tawh na kipelh nadingun na nuntakna uhah kikem unla, na neihzah uh tawh lungkim un. Pasian in, “Note ka hong nusia ngei kei ding a, ka hong tamasak ngei kei ding hi,” hong ci hi.

Timoti Masa 6:10 Sum deihluatna in siatna namkim piangsak hi. Mi pawlkhat in sum deihlua liang uh ahih manin a upna panun pialkhia-in gimna lungkhamna tampi a thuaklawh uh hi.

Luka 12:15 Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Matthai 6:19 “Nget in ne-in a kekseu theihna, gutate in luhin a guktheihna hih leitungah na sum uh khol kei un.

Matthai 6:24 “Kuamah, to nih’ sila hikhawm thei lo hi. Khat mudahin khat it ding a, khat tungah thumanin khat simmawhbawl ding hi. Note in Pasian’ na le leitung sum na na semkhawm zo kei ding uh hi. Langh Khan Mung