A theihhuai upna laang (No. 6) ~ Langh Khan Mung

A theihhuai upna laang (No. 6) ~ Langh Khan Mung

Job leh prosperity gospel: Hih prosperity gospelte in siangthona leh Pasian thupha kizomsak uh hi. A tate si, a neihsateng bei, a pum a tangin meima vei, alawmte inah na mawhna hang hi ci. Amau ngaihsutna-ah Pasian in a siangthote hauhna thupha pia. Haulo-in zawng cih in mawhna neihman hi cih ahi hi. Ahi zongin Job i gentuahna pen mawhna hang hilo-a, Pasian in Satan akhuan/aphal man hizaw ahi hi. Job tangthu in siangtak leh khauhtakin hong hilh thu in: hauhna leh siangthona kizomlo, kimematlo cih ahi hi.

Prosperity gospel in a khialin hong hilh thu in: neihsa-lamsa, zawn ding leh hauh ding pen ken khelthei hi ing. Ka siantho leh Pasian in hauhna hong pia ding hi. Midik leh diklo hihna pen khuasung-tuisungah zahtak ka hih leh hihloh in hong laktel ding hi.

Mihingte’ huaihamna lungsim zanghin, Pasian nasepna (Gtna:ko mission) adingin nong piakkhiatzah sangin atamzaw thamtham Pasian in hong piakik ding hi ci-in, tawm piasakin tampi lamensak hi. Thumang-obedience ding, piakhia-giving ding, um-faith ding, tua hileh Pasian kiang panin tampi ngah ding cih ahi hi.

Prosperity gospel i san leh mawhlopi-a gimthuak cih sangsiamlo ding. Job bangin innocent suffering sangsiamlo ding. LSTho sungah Paul in: Korin Nihna 11:24-28

Jew mite’ khut sungah sawmthum le kua vei satna nga vei tak ka thuak hi.Rom mite in thumvei hong sat a, khatvei suang tawh hong deng uh hi. Teembaw siatna thumvei ka tuak a, sun khat le zan khat tawntung tui tungah ka laam ngei hi. Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi. Tua bang haksatna a tuamtuam ka thuak banah nisimin pawlpi a tuamtuamte adingin lunghimawhin ka lunggimpih lai hi.

Prosperity gospel ah gimthuakna tawh kizom Pasian thuthuk ngaihsutna-a deep theology of suffering omlo hi. Zeisu hong hilhna-ah Anung i zuih leh haksatna cih omlo ding hong cilo hi. Zeisu’ nung i zuih manin haksatna leh bawlsiatna kithuak ding hi. Langh Khan Mung