A mai nawt toto Zomi Nam Ni ~ Khen Za Muan Thang

A mai nawt toto 2016 Zomi Nam Ni ~ Khen Za Muan Thang

A mai nawt toto 2016 Zomi Nam Ni ( Zomi National Day ) tungtang muh na leh ngaihsut beh na. Gamsung gampua mun tampi a, ei Zomi te in “Chin”zangnawn lo in’ “Zomi Nam Ni” or “Zomi National Day” cih ihzat takciang in “Chin” deihte a hi, Dr. Salai Lian Hmung Sakhong a kipan’ Chin lam te-in, nakpi takin Mi Nam Ni siksan in, Zomi te honglang pan in so ziahziah bek uhhi.

Chin World Facebook sung a, Zomi Nam Ni tawh kisai, Chin deihte comment nate ih et ciang in, a mul kimhuai zahdong in, Zomi te hong kiko’ in, Chin State pan’ Zomi te hawlkhia ni cih zahdong in, Chin deihte’n Zomi te Lutung a khetphim hongkhen uhhi. Dr. Salai Lian Hmung thungen leh Chin deihte comment piak khempeuh te in, Z leh C kigawm kik na dingsang’ ki khen theihtheih na ding lampi sialsial mah tawh a kibang a hihi.

Zomi te ei leh ei eilampi tawn in ihpai mah bang in, Chin deihte zong’ a mau lampi tung mah a nuamtak in ah na pailel ding a hihi.

Zomi sung a ih Mipil pawlkhat te’n Chin leh Zomi kikhen sawnsawn ding’ ih Mimal tawmtawh, ihgam mah neu seksek kei ni’ci-in hong thu khual khelh na meizom in, Chin deihte in, Zomi te Lutung a khetphim hong khen tawntung niloh hi. Zomi te a hong tuancial nuam mahmah Chin deihte pawlpih hun beisak hun ta hi.

GZA Makaipi te tung a, Zomi in bangciang huam? cih dotna tamvei pi om khin a, GZA makaipi te dawnna a, kei Zomi hi’n a ki citeng a huam hih pahpah phot hi a cihpen’ pilvai mahmah leh tomkim in, kicing mahmah hi. Zomi Congress for Democracy (ZCD) zong’ tuabang mah a bulphuh a hi man in, ei Mipi nautang te’n Chin leh Zomi tawh lung hianghiang dinghun hihnawnlo in, Zomi ih hih na (Identity) tawh lung kimtak, lung muangtak a om hithiat ding hun hoih hita hi.

Chin leh Zomi pen’ hongkilam danding leh, lam tuam tuak tawn a ihpai ding pen ahbeisa hunsawtpi, kum tampi lai a lampi omsa a hihi. Chin leh Zomi pen tu’tawm aa,ah kikhen sawm ih hikei aa, a kikhen sing nailo bek a hizaw’ ih hihi.

Mimal tawm man’ Zomi ki ci keini, kici thei hilo a, Mimal tam man in zong’ Zomi ki cilel ni cithei zong hihtuan lo hi. Mipha zah ( Population ) tawmtawh tamtawh kisai lo in, Zomi ih hihman in, Zomi ih hihi. Chin deihte pen a hih nalian dinpih ngamnai lo a hihman in, Va-ak Utong ki neih mah bang in,ah lenlen hun lai tak ahihi.

Chin te leh Zomi te tanglai hun in, U nau khat hih mah ni, Kawlte zong tawh U nau khat mah ihhi lailai hi. LST sung a Babel Tausang pan’ ki muthei hi. A hi zong in, tu’hun a Mi Nam khat ki hithei nawn lo hi. Mi Nam khat cihciang in, Pau leh Lai khat ngeina khat zangkhawm neikhawm te bek Mi Nam khat a hihi. Chin te in, Zolai Zopau ong theihpih loh ban in, ih ngeina mahmah ih kibang kei hi. Zomi hi ungzong’ a kicih ngeipeuh mah lohban in, kici pakkhol lolai ding uhhi. Zomi te kinai pih pen’sanggam Chin te cih ciangbek ding a ki lawm ahihi.

Chin leh Zomi ki khen mah bangin, a nuai a Minam kikhen ziate ensuk ni.

Leitung a. Tuiciim tu’n zawh cingh, Noah suan tebek suakta a hih man in, Minam khat, kampau khat bektawh na’na nak omsawm lua kisa in, ‘Babel Tausangpi’ khat na lam hi. A hi zong in, tua Babel Tausangpi mun pan in, Minam ki khenna, Kampau kikhen na te, Pasian in na’na geel in, navai hawm hi. Piancialna: 11.1-9
Z leh C tezong’ lam tuam tuak a ihpai lamdang kei lua, Pasian geelna zong hih thei kha ding hi.

Mimal khat a hi, Isaac sungpan’ Esau leh Jakob te Unau zong’ Minam pi NIH in ong kikhen lel hi. Tua hun lai zong in, Leitung a Minam tampi tak mah na om khin uh hi.

Isreal Mi Namte ih cihtheih na ding inzong’ Mimal khat tungbek a hi, Jakob tung pan ong kipan khia hi. Kaanan gam kialtu’n na hang in, Egypt gam a gambel ding a vapai sukcil un, Jakob or Isreal leh Innkuan pihte mimal 70 bek a hihlai-un, Egypt Mite na tam mahmah khin bektham lo in, hau mahmah khin, pil mahmah lua khin uh ahhih man in, Egypt Mite a ding in, Jakob leh Innkuan pihte a kihuai mahmah din’mun hizen hi. Piancialna: 46. 26-27 Tu’in bel Leitung a, Isreal temah a bangkim a lianpen thupi pen leh a en huaipen den lel hi.

Hih a tung a, LST munte ih etciang in, Zomi leh Chin zong’ lampi khattuak tawn a, ahpaipai ihhih na, Pasian geelna mah hihlel ding hi ka ci hi. Pasian geelsak ihcih te pen, ki ciimawh ngei lo ding hi. Ngal Ha Paak sa tum kik nawn lo hi. Zomi lampi mah tawn in ih mainawt toto ding hi hang.

Moses in, Egypt gam pan’ Isreal te Kaanan gam zuanding in lampi a ah makaih hun sung in, Isreal te’n a paipai na lampi a gal dodo kawmsa in, Kaanan gam a ma nawh a hihi. Moses in Isreal tekiang a ih mai a khua leh kualhpi te ihdoding hi, a maute pen’ note sang in lianzaw pek in, hatzaw pek uh hihmah taleh laukei un, note pen Pasian Mite na hi uh hi, nazo ding uh hi ci hi. Pasian in cisak hi.

Zomi te 95% bang Pasian thu um mi ( Christian ) ih hih man in, Late: 33.12 na sung a om bangmah in, Pasian mi ding a teelna a ngah Mi Nam te ih hihi. Minam sung a picing tak a, political nasem a kisap na dungzun in, Zomi Congre for Democracy ( ZCD ) te lotawh Zomi te kikhang to zolo ding hi. Zomi te Minam makai taktak ZCD te mah na hi uh hi. ZCD leh Mipi te zong’ phim leh khau bang in ih kizopden kul ding hi. Eite pen Pasian teel na ahngah a ma Mite ih hihi. Ih mai a om Kawl gam sung leh Chin State sung a, eite sang in Mi dangte tamzaw pilzaw siamzaw hatzaw mah ta leh, Pasian in Isreal te tung a laukei un mainawt un ci-in, Moses tungtawn in Isreal te ah hopih bangmah in, Zogam leh Zomi te a ding ah Bukim ihkhan tottheih na dingin, hangsan tak in’ mai ongnawt un. Mipi in zong’ ZCD te a ding, thunget sak in, mitsuan gige ding hi hangh.

Pasian in Zomi te tawh kituak ding’ Leitang hongpia khin hi. Ih Minam Political Party pi a hi, ZCD te’n hongpai ding kum 5 sung in, Zomi State a hih kei leh Chin State buppi sung a, ih Common Language dingin, Zopau Zolai ahki zat zawh nang’ nongvaihawm uh a, nong’ngahpih zawh ding uh hong ki lam en mahmah hi. By: Khen Za Muan Thang