A lawmngaihnu adawtlup khitciang in amahleh amah kithahsawm
Malaysia, Sarawak ah lawm kingai kopkhat kitawng in apasal in alawmnu temtawh dawtlum hi. Tuakhit ciangin amahzong amahleh amah ki thahsawm, Suicide sawm in ahi zongin palik te’n mankhia cih theStar pan kiza hi.
Tua pasalpa pen kum 25 aphakhin khat hi a, mawtaw vantuamtuam zuakna Car Accessories Salesman asemkhat ahihi. Friday zingsang in hihpa pen palik te’n man uh a, apumpi, angawng leh akhut cihte ah liamma omkawikawi ahih manin Sarawak General Hospital ah kipuak hi ci’n Sarawak CID chief Senior Asst Comm Datuk Dev Kumar in genkhia hi.
Palik te’n tua Salesman thudotna aneih uhciangin agenkhiatna ah alawmnu Girlfriend pen kum 25 aphakhin khat hi a, Shop Assistant nasep asemkhat cihi. Liang Kee Commercial Center aom a lawmngaihnu innsaapna ah kitawng kahih manun ka lawmngaihnu kadawtlum ci’n palik te kiangah genkhia hi.
Palik te’nzong tua agenna mun ava et uhciangin a lawmngaihnu pen sualtung a kiphah lupna Mattress tungah asisa in kimu a, sitawh kidim cihi.
Tua numeinu pen agawl panin temta tawh akidawt hi a, akidawtna temta zong sitawh kidim in aluang geinai mahah kikoih hi.
Video na etnopleh: Lovers’ tiff ends in murder
Salesman pa akidotbeh ciangin a lawmngaihnu innsaapna ah tuazan in ka giakkhawm uh cihi. A lawmngaihnu pen pasaldang khattawh amuhkhop vai tawh kisai in kitotna kipan in kinak totmahmah uhhi.
Tuaciangin apasal in ageinai aom temta manin alawmnu agawl pan dawtsuk hi. Amahzong kisihbawlnuam ahih manin amahleh amah agil kidawtin, tuakhitciang agawl leh akhutzong ki at cihi.
Tuabang in amahleh amah akidawt khitciangin alungsim kikhelkik in, ageinai vanzuakna khatah taivingveng in huhna ngen cihi.
Tua vansai Convenience Store te huhna tawh zato tungthei in kibawlsan a, ahi zongin palik te’n matsa in koih uhhi.
More: Malaysia, Sarawak ah Helicopter khat mangcip
Sarawak sungah tukumsung bekbek in mihing kithahna Murder Case agukna hita hi ci’n SAC Dev Kumar in genkhia hi. ZD Sawltak #zomidaily
Comment piaknop aomleh...