A khangto nuam mi in

A khangto nuam mi in

Ngaihsut hoihlo leh a deihhuailo lungsim puakzia te na sungah mun pia kei in. Ngaihsutna kician na neihkhit ciangin sepkhiatna na neihding kisam hi.

Na ngaihsutbangin sepna tawh upna lakkhia in. Haksatna na tuahciangin taisan ngeikei in. Na haksatna na zawhmasiah itbawl in.

Na deihna leh na lunggulhna te laidal tungah gelh in. Tua laidal na muhni simsim na lungsim hong thakhauhsak ding hi. Na lungsim mittawh na deihna te mu thei in.

A kikhel masa dingpen na sunglam omzia a hihi. A kihong lungsim puakzia nei in. Na sungaa om khuavak in midangte tungah khuavak puak ding hi.

Na lungsim khuavak lampi ah na omsak leh a zah sawm dongin thupha na ngah ding hi.

Na deihna leh na lunggulhna te laidal tungah gelhgelh in. Tua pen na ngah nadingin a huphup tawh a kibang hi. Lai na atciangin ‘tulaitak’ thu tawh at in. Ka hi ngei hi. Ka hi ding hi ci kei in. Ka hihi cihtawh laigelh in.

Lai na gelh ciangin kiciansak mahmah in. Na laiat pen suntawh zantawh nisim in na atat ding kisam hi. Zingsang na thawhphet in at inla na tak nalup dong zomsuak in.

Ka pasal dingte…

1. Ciamnuih thanghuai a uk lua lo mi.

2. A pa tawh kum 10 peuhmah a ki thuah khawm mi.

3. Guihtheih khamtheih ah zongsatna a neilo mi.

4. A nu thu a mang mi hi ding hi.

5. Numei thumang a ki cih ding a laulo mi. Banghanghiamcihleh mipil te’n numei te’ thu cih genloh ganhing te’ nangawn etteh thei hi.

6. A hau mahmah phial zongin nasep a hahkat mi.

7. Nipi sim Biakinn a tungzo kei zongin Pasian thu um te a zahko lo mi.

8. Tan 10 a ong zo kei phial zongin laisinna ah a citak mi.

9. Pasal ka hi ci aa thatang suang sangin khuakbu a zangthei zaw mi.

10. Numei tawh thuki nial a uk lo mi leh a khutlum tawh numei te a vua nuam ngiatlo mi hi leh ut ingh. Lia Paal/ Siamsin Library