A deihte ading Christmas Letsong ~ Dong Mung’ laibu

A deihte ading Christmas Letsong ~ Dong Mung’ laibu

I Topa hehpihna le angvanna hangin tuni ciang nuntakna huusang thei lai ka hihmanin hong it Topa tungah lungdamna ka ko hi.

Ka lamet ngamloh kawmkal panin Topa’n a thupha hong ngah saka, tuate kongit lawm le gualte adingin tukum 2016 Christmas Present in kong hawmsawn nuam hi.

Ka thupha ahihleh November 30-December 2 sung i Kawlgam ah လေ့လာရေး in hong zinpak Singapore le New Zealand pan mi 5 te tungtawnin ka ngah khak thupha ahi hi.

Amaute tawh kimeltheih ka hikei a, zong a kithei ngei ka hikei uh hi. Ahi zongin sanggamnu Dimpi tawh kithei uh a, amau hong zin sung, Yangon ah a om sungun a vakna vuah a zui kawikawi in ka kihel kha hi.

December 1 ni-in mun khat ah ka holim khawm kha uh-a, ka nasep hong dot uh teh, “Laigelh ka hi-a, laibu bu 2 hawmkhia khin ing, tulaitak ka laibu masapen second print ding thu ka nget lai tak hi,” ci-in ka gen hi. Tua ciangin amaute’n, “Na laibu nihna pen khawng gai khin maw? Bu bangzah bang om lai?,” ci-in hong dong uh-a, “Bu za khat kiim bang om lai hi,” ci-in ka dawng hi. “Bu 1 bangzah in zuak na hiam?,” hong ci leuleu uh-a, “Ks. 2000/- in zuak ing,” ka ci hi.

“Na met hiam?,” ci-in hong dong uh a, “A sazian in bel met mah ing, ahizong khut sungah met taktak zo keng,” ci-in ka dawng leuleu hi. Tua ciangin, “Bangbang hileh kong huh theihna pen un tua na laibu a om lai bu 100-te ko na zuakna zah in kong lei sak ding uh a, a laibu bel Singapore a na mipihte le Kawlgam a om na mipihte letsong, Christmas Gift in na pia in, a mattayah dingin bu khat tek kong kep sak ding uh hi,” ci-in bu 1 Ks. 2000/- tawh bu 100 hong lei sak uh hi. Haleluijah!!

Vangik pian ahih tawh Singapore a om mipihte adingin bu 20 hong puak sak uh-a, bu 80 Kawlgam a om mipihte adingin hong nusiat uh hi.

Amau lunggulhna le deihsakna tawh kizui-in Christmas Gift/ Chrismas Present dingin a deih khempeuh tungah hong kipia ding hi.

Singapore a om mipihte’n Dimpi @ Avrial Dim Pi kiangah na kan unla, Kawlgam a omte’n kei kiangah hong kan un!

More: Japan te’n Kawlgam ah mawtaw amawkpiak uh dinkhawl photding

Hibang thupha ka san theih nadingin lam hong sial sak sanggamnu Dimpi tungah naakpitakin lungdamna ko ing. Topa’n amaute tungah thupha hong piaksak tahen! Lungdam lianpi tawh, Dong Mung