A 4 veina ZBCA-America pawipi ah sapna

Leitungbup a om Zomi akua mapeuh A 4 veina ZBCA- AMERICA pawipi anuai ahun geelna bangin thupi takin neihding geel ihih manin Zomi Laizom akua mapeuh kongsam uh hi.

• Ani: July 8-10,2016 ( Friday to Sunday).
• Amun: Zomi Community Church,Denver, CO, USA.
• Theme: Khazih Palai . IICor 5:20.

A. SPEAKER DINGTE:

Thugen pi dingin India pan Rev. Dr. Ngul Khan Pau leh Kawlgam pan Rev. Kham Sian Khup te kisam a, USA gamsunga om Siate tawh kithuah ding uh hi.

B. LASA DINGTE:

Lasa dingin India pan Lia. Mobiaklian ; Lia Jenny Zenthiansiang leh Kawlgam pan Lia Niangbawi te kisam a, US gamsunga om Lasiam te tawh kithuah ding uh hi.

C.ORDINATION NGAH DING:

Ordination ladingin Germany pan Pastor Pau Pian Thang hongpai dinga, USA gamsung pan Pastor Pau Sian Lal leh Pastor Tual Cin Khup te ahihi.

D.KIDEM NADING:

Laisiangtho kidemna omding; La kidemna tuamtuam zong om ding.

E. ZINTUNNA:

Innteek pawlpi in Zintunna ding Hotel room (120) booking bawlkhin ta uh a, an zong hongvaak lai ding uh hi.

F. CONCERT OMDING:

Khangno lasiam tampi hong omding ahih manin khangno te mintawh lasakna pawipi hunzong omding hi.

G. MIKANG LENGLA OMDING:

Southern Baptist Convention aitangin Colorado Baptist Convention Executive Director pa hongpai dinga, Zomi te dinmun hongen in thapiakna zong hongnei dinghi. Zindona anvaakna ding zong hong panpih khin ta uhhi. North American Mission Board panin Lungdampih thupuakna zong hongnei khin ta uh hi.

H.DELEGATE KAHDING VAI:

Akizomsa -Pawlpi 28 panin 7% sumpi zui in thu kikum ding Delegate kikah ziahziah dinga, Delegate kahding mi atawmpen 300 kipha dinga, zin pen 1000 kim phadingin kilam en hi.Nungkum Nashville pawipi lai – in Hotel room (65 )leh inn 10 ah zin 800 val kitungsak hi.

I.PRAISE AND WORSHIP THUPI TAKIN KIBAWL DING:

Biakna pawi ahih mah bangin Biakpiakna kithu pi sak mahmah dinga, Biakpiak hun khempeuh ah Praise and worship thupi takin kibawl den dinga, Pasian vangliatna tampi tak mudingin lametna kinei hi. Pasian sathau nilh ten hong makaih ding uh hi.

J. ZOMI AKUA MACIAT HONG KIHEL UN: KHUAZINTE:

Zomi te adingin Biakna pawipi ahih mah bangin USA gamsung hong zin laitak Zomi Pasian nasem te, Gam leh Minam nasem te akipan akua mapeuh in innteek tang takin hong kihel ham tangun cih kong sam phapha uh hi. Zomi Innkuan Khawmpi – Nashville tawh akizom to ding ahih mahbangin Zomi Innkuan Khawmpi a kihel Zomi makai te zong hun alemsuak leh nong kihel nading in kong lunggulh uh hi.

K. USA GAMSUNGA OM ZOMITE :

Zomi te pen akimu khawm nuam, ane khawm nuam ihihmah bangin Zomi akua mapeuh ZBCA tawh kizom nai takei leng alunggulh te hong kihel un, hong kingai mahmah hi.

PAWIPI ADING THUNGETNA:

1. Kha khanlawhna pawipi hongsuak ding hi.

2. Cidamna pawipi hongsuak ding hi.

3. Suahtakna pawipi hongsuak ding hi.

4. Na hoih sepkhopna pawipi hongsuak ding hi.

5. Dinmun kilaihna pawipi hongsuak ding hi.

6. Zomi ihihna Ih Identity Topa hangin akip semsemna pawipi hongsuak ding hi.

7. Zogam leh Zomi te adingin thupha naak suahna pawipi hongsuak ding hi.

8. Mission lungtang neihna pawipi hongsuak ding hi.

CONTACT THEIH NADING TE:

1. Rev. Tual Khaw Mang- 720-724-4636 ( Innteek Pastor)

2. Rev. Kap Khan Mang – 918-813-3308

3. Rev. Tun Cin Kap – 850-454-9257

4. Rev. Pau Khan Lian -615-429-3962

5. Rev. Pau Khan Khai – 502-291-1948

ZBCA in Biakna min( A-Z) kikal kuamah deidan omlo in kisang thei , kizoppih thei hi.

Lungdamna leh Lunggulhna tawh,

Rev. Dr.Tun Cin Kap.

Secretary General.

ZBCA.

May 12,2016.