21 Panglong Khawmpi ah mualmi thautawi tetawh kam kiselna tampi aom gamvai kikupna omding

21 Panglong Khawmpi ah mualmi thautawi tetawh kam kiselna tampi aom gamvai kikupna omding

Myanmar time – 4 November 2017 :: 21 Panglong khawmpi a thum veina ah mualmi thautawi tetawh nasiatak kam kiselna a om gamvai deihna kibang theilo teng kikup phadeuh ding , bulphuh pi-in kinei ding hi ci-in kumpi zumpan thu gen khuan a nei U Zaw Thi – in November 2 ni-in genna nei aa , hih a thumna 21 Panglong khawmpi pen gamvai sitset bulphuh in kikupna omding ci hi .

Hih khawmpi ah gamvai taktak kikup nawina om dikdek ding , nung aa kikupna ah a ki zolo security vaileh mualmi thautawi te deihna ahi amau omna leitang ciat ah a mauleh amau kiukna self zone vaileh taiyinta minam tuamtuam omkhempeuh hamphatna aom theih nading , Myanmar Union pan kua mah a paikhiat loh ding vai ခြဲမထြက္ေရး kikum ding uh ahihi .

Security လုံးျခဳံေရး vaitawh kisai pen mualmi thautawi teleh galkap te deihna kibang theilo in kithukimna lungkimna a ki ngah khiat zawh loh thu aom teng zong 21 Panglong khawmpi a thum veina kibawl kik ma-in a tuam vilvel in kikupna nei ding uhhi .

Hih security vaitawh kisai pen nung aa kibawl 21 Panglong khawmpi ah myanmar gam sungah galkap khat bek koih ding vaitawh kikupna kinei-in deihna hong kibat loh takteh khawmpi sungah kam kinialna nasiatak hong om hi . Tua ahihman mualmi thautawi pawl leh galkap te a tuam vilvel in 21 Panglong khawmpi ma-in kikupna ki nei masa ding aa , Tua sungpan kithu kimna a ki ngah khiat zawh leh hih vai zong maban kizom to suak dingin gen hi .

21 Panglong khawmpi a thum veina 2017 kum sung teitei – in bawl zawh nading kipawlna tuamtuam tek pan hanciam uhhi.

More: 21st century Panglong khit ah Zomi Zuapa thumuhna kilang tetek ~ Bob Tuang

21 Panglong khawmpi a thum veina ki bawlma in mualmi thautawi teng leh galkap te kikupna omding , National Level political Dialogue zong a kibawl nailoh na munte ah bawl ding cih thu teng ahihi. Lailet: Zomi Indigeneous and Politics Page/ Cin Lian Khai