2016 Malay Khuado Siimna ~ Hau Kim

2016 Malay Khuado Siimna ~ Hau Kim

Kawlgam pan kapai khiat kum(12) pha ta aa, Malay kanusiat kum(8) ong cing pak hi.
Khua hun te ki khel in omdan kilam dang aa, a mi te zong na ki khel hi. Milui 1-2 bek om lai in, mithak vive na inn teek ta hi. ZAM a hi aa, biak inn te a hi zong in mithak vive na hi ta hi.A ni a kha te ong beibei in milui te gam (3) na tung mang khin ta a hih man in mithak tein pan mun a na la hi ta hi.Kumsim in Malay hawh zolo ka hih man in ong ki thei phalo hi.Mi pawl khat in “ZAM founder Pa Kim a cih nang maw” ong ci uh aa, “himah ing ei” kacih leh, ko” Pu ZO Khai te gual ding ong sasa aa” ong ki ci hi.

Ciah loh zong sawt ta mawk in tukum kiciah zo hamtang leh ci in vanleng letmat kiman penpen ka lei khawlh leh 2016, Oct:-,ni5 ni ka ngah aa, ko state RDU pan TX,Dallas ka zuan phei hi. Domestic airline hi in a milam dang kei bek ka hihi. Dallas pan van leng laih in,Korea Airline tawh Soul zuan ding hi aa vanleng gate aa ngak te Asia mi a tam zawhi aa Korea pau zaizai uh hi. Van leng tuan pih ding te tawh ka mel ki neh to pianpian hi. Korea pan in Malay Airline tawh KL zuan ding hi aa, vanleng gate aa ngak te Malay pau ong tam mahmah leuleu hi. Ka zak ngei te hi veh ee,mel theih peuh a om kha hiam ka cih hang kua mah ka thei kei hi. KL pen zan nai 10:00 pawl in ka tung hi.

Bus leh meileng dan thei nawn lo ka hih man in Taxi kasap hi.Texi hawl te lau huai ki ci a hih man in Airport sung pan ka la pah hi. ZAM zum nuai lam ka tun uh ciang in Taxi hawlpa in hih kiim hi ong ci in ong khia aa, kazon hang ka mu pak kei hi, kagil kial ta a hih man in an sai ah mangpau in an ka vai khak aa, tua kal in ZAM pa lai te ki dawn sak ta hoh leng ka cici hi. A hih hang kei a pai thei gige khat mi ki dawn sak cih pen kei dan hilo aa, a pai ngeilo,a pai theilo te aa ding bek dawn a kul hi ka cihi.

Tua leh ansai nasem tang val no khat ka gei ah ong pai in “nang ZOMI maw”ka cih leh “hi mah veng ee”ong ci in ka nuam mahmah pah hi. “ZAM zum koi la aa”kacih leh “hih gei mahmah hi” ong cih khit teh “den in lah na mang pau laa laa aa” ong ci in “kei USA pan ong pai hi veng” ka cih leh “aw hi maw” ong ci hi. “ka awl zaw deuh teh ZAM te ong phot pih ning” ong ci in ka an nek man teh lampi pan awng to laa laa in Makai pi Pu Khio Tuang ong kum suk aa, zin tun na ding ong sap sak in zan khat ka giak hi.

Khua do ding Oct:-15 ni hi mawk aa,hun tam pi ka mawk bei sang YGN ciah phei pak leng ci in ZAM palai Sec:- pa tawh Air Asia ticket ka lei uh aa, sun teh meileng tawh KLIA2 zuan in YGN kaciah hi.YGN zong ka zan tun hi. zoplaiding.

Hau Kim