13.9.2014 Tuni leitung thuthang pawlkhat te

13.9.2014 Tuni leitung thuthang pawlkhat te

US president Obama in IS te sim ding tawh kisai in mipite muhdansandan tuamtuam om kawnkal ah Obama in gamdang tawh kisai policy pen mipite tung ah akidot tak ciang mipi 61% te in kiptak in thukim pih uhhi.IS te tawh kisai in CIA te a upmawh na sang in tam pha zaw sa uhhi. A mau upmawhna ah 11000 kim pha ding in um mawh uh a, ahih hang in mi 30,000 kim pha hi cihi.Hih IS te in US te mi nih leh Kurdish galkapte ngawng tan sak hi.

Augstralia gam sung ah IS te apan pih leh IS te kiang a galsim a aom na pan mi 20 bang hong ciah om khin ban ah mi za bang in pan pih uh ahih man in, migilo te in ih gamsumg ah gitloh nasem theiding lam etna om ahih man in, kigaldal na pen amasate sang in alau huai napen anihna asang pen ah ki koihto ci in PM Tony Abbott in gen hi.Hih bang ih gen ciang hong gamta lian ding cih na hilo hi cihi. Mipite in nisim a nasep na bawl te uh lungnuam tak in sem un cihi.

Ukrain kumpite leh Russia deih thautawi te in Donetsk khuapi ah agal mat tuakte uh gamdang thunei te theihpih na nuai ah kikhek na nei uh hi. Hih pen amau thukim na laibawl na ahihi. Russia deih thautawi te mi 31 leh Ukrain te mi 35 ahi uhhi.Tua bang ah hih tual gal omna hang pen Russia te panpih na hang zong ahih man in, EU te in Russia te tung ah sumbawl na lam ah khauhtak in khak tan na nei hi.Tua te lak ah athak in Russia ulain te leh Ukraine gamnuai mite 24 te Europe ah visa tawh pai theilo ding hi cihi.Hih te in aneih alam sum le paai Europe gam koih mah ah koih khia theilo ding cihi.Hih khaktan na ah Russia te bank lian pen leh Namngintui company te zong kihel hi. Russia te in EU te nasep na pen Ukraine a kilem na ding dal in ziakai sak hi ci in, hih bang in hong khak tan uh hang lungmuangtak in sum lei sum zuak na lam adang khat in pan kala ding uhhi cihi.US te in ahih leh EU te panlak na pen ka thukim pih uhhi cihi.

Nung lam March kha in Kunming khuapi ah migilo 8 te in temtawh meileng buta( rail station) a sim na hang in mi 31 si hi. Hih migilo te pen palik te in va delh pah uh a, amun ah migilo te mi li that uh a, khat pen mi thatna hang in khangtawn thongkia ding leh adang thum te ahih leh hih bang a gamtat ding gelna hang in sihdan zani in Kunming thukhen zum Yunnan state ah thukhensat uhhi.Hih hong piang na hang pen muslim tam na Xinjiang gam nuai mite hang hi ci in thu nei te in mawh sak hi.

Singapore gam ah Malaysia gam a suak kum 37 apha pasal khat leh a zi 47 te in Syria ah IS te panpih ding in a inn kuan un paisawm uhhi cihi. A zi in apsal masa tawh aneih atapa kum14 pa in agen na ah ken,IS ah galkap kasem ding ci in, a unu kum 18 in ken ahih leh IS galkapte tate pen manglai ka hilh ding ci in, a zi in ahih leh ken an ka huam sak dimg hi ci in Deputy Prime Minister Tea Chea in gen hi.

KIMAWLNA

13.9.2014 EPL KIMAWL DINGTE
ASENAL VS MANCITY
CHELSEA VS SWANSEA
C.PLACE VS BURLEY
SOUTHAMPON VS NEWCASTLE
STOKE VS LEISESTER
SUNDERLAND VS SPURS
W.BROM VS EVERTON
LIVERPOOL VS ASTON VILL

Ref: the star paper, the straight time, bbc, voa. Cin Ngaih