02 July 2018: Malaysia om pawl theihhuai

02 July 2018: Malaysia om pawl theihhuai

Malaysia gam sung mun khempeuh phial ah mat leh hen raid(operasi) om kawi kawi ahih man in UN laidal tawite zong man gai uh hi. Tua bang in hong ki mat a leh UNHCR Hotline phone set in na UN Number, Na Min leh hong ki matna cih te hoih tak in gen in a hih theih leh immigration te leh UNHCR hotline pan officer khat peuh ki ho sak le cin na UN a man ahih lam ki thei in na suak ta baih ding hi. Hih UNHCR Hotline pen UN tawi khempeuh in ih phone contact sung ah kem hamtang leng hoih pen ding hi. Ih theih sasa hi ta leh ki thei sak phapha hang. UNHCR Hotline +6012 630 5060.

2013 UN laidal tawi te interview na pai ciang in UN officer ten na case hoih kei lua na laih nuamna hong cih vua leh laih nuam mah ing peuh ci mawkmawk lo ding hi hang. Na case na laih sawm leh na zuau bulom tang pi cihna ahih man in na laidal hong ki lak sak ziau thei hi. Tu hun ciang in naupang na leng ki mawk khem thei lo ahih man in UNHCR officer te neu bawl mawkmawk ding zong hi lo hi.

UNHCR determination pen Appeal at ding ciang din mun a tungta na hih leh na case khempeuh a neng a tawng in gelh kullo a, na interview na ah bang teng hang in hong ki reject cih te na laidal tungah ki at ding a tua tung tawn in appeal letter gelh ding ahi hi.

Australia sikzum pan interview ding hong ki sap zenzen leh a diakdiak in na matpongtin na innkuan lai te Galkapten (or) thuneiten koi mun pan, bang ci dan a hong ki lak sak cih te interview na phi ma in hoih tak in ki ging khol in. Tua bang in hoih tak ki ging lo pi a interview na pai a a hih leh lai honggelh in hong ci thei uh a, na vai ki sawt ahih kei leh hong ki reject ciang dong zong tung thei ahih man in “Prevention is better than cure” ih zat theih ding ki sam hi.

Malaysia panin CI tawh a ciah ding te in matpongtin ih neih kei leh innkuan lai, hausa thauhkhansa leh palik thauhkhansa a ki sap ban ah Kawlgam Sikzum pan in Immigration te in na min, na suahni, na Pa min, na Nu min te hong sit thei ahih manin hong ki sit leh nu leh pa min ih suahni khawng a leh a mak teng ih gen khak leh kawlgam sunga teeng ih hih hang in hong ki muang mawh thei hi.

Ka phawk pak tu a teng ci pakni, Zomi te a ding deih sakna tak tawh, Lianpi, Mini Mart, KL Posted by: Cin Ngaih